2 years ago
July 26, 2022
एजेन्सी – युरोपेली च्याम्पियन रियल म्याड्रिडका जर्मन मिडफिल्डर टोनी क्रुसले अर्को सिजन क्लबले प्रतिस्पर्धा गर्ने सबै ६ उपाधि जित्ने लक्ष्य रहेको बताएका छन् ।
गत सिजन च्याम्पियन्स लिग र ला लिगा जितेको रियलले यस पटक आधा दर्जन प्रतियोगितामा सहभागिता जनाउनेछ । ला लिगा, कोपा डेल रे र च्याम्पियन्स लिगमा नियमित उपस्थिति रहेको क्लबले गत सिजनको नतिजाका कारण थप ३ प्रतियोगिता खेल्दैछ । स्पेनिस सुपर कप, युरोपेली सुपर कप र फिफा क्लब विश्वकपमा रियल म्याड्रिडले प्रतिस्पर्धा गर्नेछ ।
क्रुसले रियल म्याड्रिड टिभीका लागि बोल्दै सबै ६ उपाधि जित्ने लक्ष्य राखेको बताए । ‘मलाई आशा छ हामी सबै उपाधि जित्नका लागि खेल्नेछौं । रियल म्याड्रिडमा तपाईं सबै उपाधि जित्न चाहनुहुन्छ, भलै त्यो सधैं सम्भव हुँदैन ।’
‘हामी ६ उपाधिका लागि खेल्दैछौं । र हामीलाई जसले चिनेको छ, वहाँहरुले बुझ्नुहुन्छ कि हामी हरेक उपाधि जित्न खेल्छौं । हामी हरेक दिन आफ्नो स्तर सुधारिरहेका छौं । नयाँ सिजनको लागि तयार हुँदैछौं ।’
‘अहिले सबैको नजर अगस्ट १० को पहिलो उपाधिमा छ । त्यसपछि पनि महत्त्वपूर्ण खेलका लागि तयार हुनुपर्छ । सदाझैं प्रि-सिजनले निकै महत्त्व बोकेको छ । हामी लामो सिजन खेल्ने भएकाले जस्तोसुकै चुनौतीका लागि तयार हुनुपर्छ ।’
यसपटक युरोपेली सुपर कपमा रियलले जर्मन प्रतिद्वन्द्वीसँग खेल्दैछ । युरोपा लिग विजेता आइन्ट्राक्ट फ्रान्कफर्ट पहिलो पटक युरोपेली प्रतियोगिता जितेपछि सुपर कपमा छनोट भएको हो । खेल बुधबार १० अगस्टमा फिनल्याण्डको हेलसिन्की मैदानमा हुनेछ । नेपाली समयअनुसार उक्त खेल विहीबार मध्यरात १२:४५ बजे (बुधबार राती) हुनेछ ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]