एजेन्सी – क्याटलान क्लब बार्सिलोनाका पोलिस फरवार्ड रोबर्ट लेवान्डोस्कीले प्रि–सिजनको एल क्लासिकोमा प्रतिस्पर्धा गर्ने सम्भावना रहेको छ ।

लेवान्डोस्की यसैसाता मात्रै जर्मन क्लब बायर्न म्युनिखबाट बार्सिलोनामा आबद्ध भएका हुन् । उनी अहिले अमेरिकामा रहेको बार्सिलोनासँगको प्रशिक्षणमा सामेल भइसकेका छन् ।

टोलीसँगको प्रशिक्षणमा रहेकाले उनले बार्सिलोनाको लागि डेब्यु खेलमा प्रतिद्धन्द्धी रियल म्याड्रिड नै हुने सम्भावना रहेको छ ।
लस भेगासमा आफ्नो पहिलो अभ्यास खेलमा ओलोटसँग १–१ गोलको बराबरी खेलेको बार्सिलोनाले दोस्रो खेलमा इन्टर मियामीमाथि ६–० को फराकिलो जित निकालेको थियो ।

लस भेगासको एलेजियन्ट स्टेडियममा हुने खेलको लागि टिक बिक्री भइसकेका छन् । जहाँ रियल म्याड्रिडले च्याम्पियन्स लिग जितेपछि आफ्नो पहिलो खेलमा बार्सिलोनासँग खेल्नेछ ।

५० मिलियन युरो र ५ सय मिलियन युरो रिलिज क्लजका बार्सिलोना आएका लेवान्डोस्कीको खेल हेर्न क्लबका समर्थकहरुले पर्खिरहेका छन् । रियल म्याड्रिडविरुद्धको लेवान्डोस्कीको डेब्युलाई महत्वका साथ हेरिएको छ ।

टोलीमा लेवान्डोस्कीसँगै राफिन्हा, आन्द्रेस क्रिस्टेन्सेन र फ्रान्क केसीले पनि रियलविरुद्ध खेल्ने सम्भावना छ । लास भेगासमा हुने शनिबारको क्लासिकोको लागि प्रशिक्षक जाभी हर्नान्डेज पनि टोलीमा रहेका छन् । उनी भिसा समस्याका कारण टोलीसँगै अमेरिका जान पाएका थिएनन् ।

रियल म्याड्रिड पनि आफ्नो पूर्ण टोलीसहित लास भेगासमा प्रशिक्षण गरिरहेका छन् । ला लिगा प्रतिद्धन्द्धी बार्सिलोनाविरुद्ध रियल पनि तयार रहेको छ ।

यि दुई टोलीले पछिल्लोपटक ला लिगामा २१ मार्चमा प्रतिस्पर्धा गरेको थियो । जसमा बार्सिलोना ४–० ले विजयी भएको थियो । त्यो भन्दा अघिको ६ खेलमा बार्सिलोनाले रियललाई हराउन सकेको थिए । बार्सिलोनाले सन् २०१७ जुलाईमा च्याम्पियन्स कपमा पनि रियललाई ३–२ ले हराएको थियो ।