2 years ago
July 17, 2022
एजेन्सी – मिडफिल्डर मेसन माउन्टले खेलको अन्तिम समयतिर गोल गरेपछि चेल्सीले प्रि-सिजनको मैत्रीपूर्ण खेलमा क्लब अमेरिकालाई पराजित गरेको छ । पहिलो हाफ गोलरहित रहेको खेलमा चेल्सी २-१ ले विजयी भएको हो ।
अमेरिकाको लास भेगासमा चेल्सीले खेलको ५५ औं मिनेटमा टिमो वेर्नरको गोलमा अग्रता लिएको थियो । रिस जेम्सको क्रसमा वेर्नरको पहिलो प्रहार गोलरक्षकले बचाएका थिए । तर उक्त बचाउबाट आएको रिबाउन्डलाई वेर्नरले गोलमा परिणत गरे । त्यसको ५ मिनेटपछि नै जेम्सले आत्मघाती गोल गर्दा खेल बराबरीमा आएको थियो ।
खेलको ७ मिनेट समय बाँकी रहँदा माउन्टले गोल गर्दै जित पक्का गरे । उनले पेनाल्टी क्षेत्र बाहिरबाट गरेको प्रहार सुन्दर गोलमा परिणत भएको थियो । त्यसपछि थप गोल नहुँदा चेल्सीले प्रि-सिजनमा विजयी सुरुवात गरेको हो ।
चेल्सीले पहिलो हाफमा अपेक्षित प्रदर्शन गर्न सकेको थिएन । मेक्सिकन टोलीविरुद्ध चेल्सीका स्टार खेलाडीले सोचेजस्तो प्रदर्शन गर्न सकेनन् । दोस्रो हाफमा भने प्रशिक्षक थोमस टुचेलले पूरै टोली परिवर्तन गरेपछि चेल्सीले लय समातेको थियो ।
January 3, 2025
काठमाडौं (हाम्रो खेलकुद) – एन्फा महिला फुटबल लिगमा आज एक खेल हुँदैछ । अखिल नेपाल फुटबल संघ(एन्फा) को आयोजनामा जारी लिगको अन्तिम चरणको दोस्रो खेलमा विभागीय टोली नेपाल पुलिस क्लब र वालिङ नगरपालिकाबीच प्रतिस्पर्धा हुनेछ। एन्फा कम्प्लेक्स सातदोबाटोमा खेल दिउँसो ३ बजे सुरु हुनेछ । पहिलो चरणको लिगमा पुलिस तेस्रो स्थानमा रहेको थियो । वालिङले […]
January 2, 2025
काठमाडौं (हाम्रो खेलकुद)- नेपाली काँग्रेसको नेपाल लोकतान्त्रिक खेलकुद संघ महाधिवेशन निर्देशन समिति– २०८१ को आयोजनामा अर्को महिना सभापति कप फुटबल प्रतियोगिता हुने भएको छ। माघ १० गतेदेखि हुने प्रतियोगितामा ‘ए’ डिभिजन क्लबका ८ र आमन्त्रित २ विदेशी गरि १० पुरुष टोलीको सहभागिता रहने आयोजक समितिका संयोजक महोनबहादुर बस्नेतले बिहीवार सानेपास्थित पार्टी केन्द्रिय कार्यालयमा आयोजित पत्रकार […]
January 2, 2025
काठमाडौं (हाम्रो खेलकुद)- एन्फा महिला लिगको अन्तिम चरणको पहिलो खेलमा विभागीय टोली त्रिभुवन आर्मी क्लबले विजयी सुरुवात गरेको छ। विमला चौधरीको २ गोलमा आर्मीले बागमती युथ क्लबलाई २-० ले सहज नतिजामा पराजित गर्यो।एन्फा कम्प्लेक्समा भएको खेलमा बागमती विरुद्ध २५औं मिनेटमा नै आर्मीले अग्रता बनायो। विमला विकको लामो पासमा विमला चौधरीले किपर अगाडि बढेको बेला उत्कृष्ट […]
