ललितपुर (हाम्रो खेलकुद)– महिला राष्ट्रिय फुटबल टोली तथा एपिएफकी गोलकिपर एन्जिला तुम्बापो सुब्बालाई अन्तर्राष्ट्रिय खेलकुद सामाग्री तथा पोशाक कम्पनी लि निङको ब्रान्ड एम्बेसडर बनेकी छन् ।

एन्जिला र लि निङको नेपालका लागि आधिकारिक विक्रेता चाईना ट्रेड लिंक कम्पनी प्रालि सिइओ राजन महर्जनले शुक्रबार ब्रान्ड एम्बेसडर सम्बन्धी सम्झौता पत्रमा हस्ताक्षरण गरेका छन्। उनी दुई वर्षका लागि एम्बेसडर बनेकी हुन् ।

एन्जिलाले एटिएस१६ लोगो चाईना ट्रेडलाई लागो उपलब्ध गराउने र कम्पनीले सो लोगो प्रयोग गरि खेल पोशाकलगायत खेलकुद सामाग्री उत्पादान गर्ने भएको छ । एटिएस १६ लोगो प्रयोग गरेर उत्पादन गरिएका पोशाक र सामग्री चाइना टे«डले विक्रीपछि खुद नाफाको १० प्रतिशत मध्ये आधा एन्जिला र आधा विभिन्न खेलका खेलाडीलाई उपलब्ध गराइने सम्झौतामा उल्लेख रहेको बताइएको छ ।

त्यसबाहेक लि निङले बार्षिक रुपमा एन्जिलालाई ट्रयाकसुट ५ सेट, टिर्सट १० वटा , जुत्ता ५ जोर, मोजा २० जोर र क्याप वटा उपलब्ध गराउने छ । त्यसबाहेक एन्जिाले लि निङ खेल पोशाक र सामाग्री खरिद गर्दा ३५ प्रतिशत छुट पाउनेछिन् । राष्ट्रिय तथा क्लबमा खेल्दाबाहेक एन्जिलाले अन्य ब्राण्डका पोशाक तथा समाग्रीको प्रचार तथा अन्य ब्रान्डको विज्ञापन सहभागी हुन नपाइने सम्झौतामा उल्लेख गरिएको छ ।

एन्जिलाले आफ्नो कथामा निर्माण हुने फिल्म अन्जिलामा पनि लि निङकै खेल पोशाक र सामाग्री प्रयोग गर्ने बताइएको छ । उनको वास्तविक कथामा आधारित हुने फिल्मको निर्माण गरिने गत वर्ष चैतमा घोषणा गरिएको थियो । एन्जिलाले फिल्ममा आफ्नो भूमिका उनी आफै गर्ने बताइएको छ ।

केन्द्र मोसन पिक्चर्सको प्रस्तुतीमा रहने फिल्म निर्माणको सहकार्य मुन लभ इन्टरटेमेन्टले गर्नेछन । एन्जिलासँगै दयाहाङ राई, सृजना सुब्बा, बुद्धि तामाङ, माउत्से गुरुङ, प्रेमकुमार श्रेष्ठलगायतको फिल्ममा अभिनय रहने बताइएको थियो । फिल्मको निर्देशन मिलन चाम्सले गर्नेछन् । इलामको फिक्कल र काठमाडौंमा छयाङ्कन हुने फिल्म आगामी दशै आसपासमा प्रदर्शन गर्ने तयारी रहेको बताइएको थियो ।

एन्जिला राष्ट्रिय टोली र एपिएफकी पहिलो रोजाईकी गोलकिपर हुन् । गत वर्ष सम्पन्न राष्ट्रिय महिला लिगमा एपिएफ च्याम्पियन बन्दा टोलीको गोलपोष्ट उनले नै सम्हालेकी थिइन् । लिगका १२ खेलमा उनले मात्र एक गोलको सामना गर्नुपरेको थियो । उनले पाकिस्तानको राष्ट्रिय लिगमा मासा युनाइटेडबाट व्यवसायिक फुटबल खेलेकी थिइन् । गत वर्षको लिगमा उनले उक्त टोलीको कप्तानी समेत गरेकी थिइन् ।