2 years ago
July 3, 2022
एजेन्सी – पोर्चुगिज भेट्रान फरवार्ड क्रिस्टियानो रोनाल्डोले आकर्षक प्रस्ताव आएको खण्डमा म्यानचेस्टर युनाइटेड छाड्ने चाहना व्यक्त गरेका छन् ।
३७ वर्षीय पोर्चुगल फरवार्ड गत समरमा इटालियन क्लब युभेन्टसबाट ओल्ड ट्राफोर्ड फर्किएका थिए । उनी गत सिजन युनाइटेडको शीर्ष तथा समग्रमा तेस्रो सर्वाधिक गोलकर्ता बनेका थिए ।
युनाइटेड प्रिमियर लिगमा छैटौं स्थानमा रहँदा च्याम्पियन्स लिगमा छनोट हुन नसकेपछि रोनाल्डोको भविष्यबारे अड्कलबाजी गर्न थालिएको थियो । युनाइटेडमा रोनाल्डोको सम्झौता अझै एक वर्ष र अर्काे वैकल्पिक एक वर्ष पनि बाँकी छ ।
पाँच पटकको बालोन डी’ओर विजेताको चाहना युरोपको शीर्ष लिग खेल्नेछ । च्याम्पियन्स लिगको सर्वाधिक गोलकर्ता (१४०) रहेका रोनाल्डोको चाहना युरोपा लिग खेल्ने छैन । रियल म्याड्रिडका पूर्व फरवार्ड युनाइटेडलाई सम्मान गर्छ तर उसले आफ्नो करिअरको अन्तिम चरणमा प्रवेश गर्दा उनी च्याम्पियन्स लिग खेल्न चाहन्छन् ।
युनाइटेड पनि रोनाल्डोलाई बिक्री गर्ने पक्षमा छैन । युनाइटेडका नयाँ प्रशिक्षक एरिक टेन ह्यागले रोनाल्डो आफ्नो योजनाको हिस्सा भएको बताएका छन् ।
गत सिजन युनाइटेडबाट सबैखाले प्रतियोगितामा गरेर २४ गोल गरेका रोनाल्डोले अझै शीर्ष लिगमा कम्तीमा तीन वर्ष खेल्न सक्ने द टाइम्सले उल्लेख छ । पछिल्लो समय रोनाल्डोको नाम चेल्सी र बायर्न म्युनिखसँग जोडिएको छ ।
टेन ह्यागले रोनाल्डोसँग जोडिन उत्सुक रहेको बताएपनि फरवार्डको खेल्ने शैली डचम्यानसँग मिल्छ भन्ने स्पष्ट छैन । रोनाल्डो प्रिमियर लिगमा सबैभन्दा धेरै कमाउने खेलाडी हुन् र उनको बाहिरिनुले युनाइटेडको समर ट्रान्सफर बजेटमा थप अवसर सिर्जना गर्नेछ ।
यसका बावजुत रोनाल्डो यसै साता प्रि–सिजन प्रशिक्षणका लागि क्लबमा फर्कने तयारीमा छन् । उनी थाइल्याण्ड र अष्ट्रेलियाको प्रि–सिजन भ्रमणमा हुने सम्भावना छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]