2 years ago
July 2, 2022
एजेन्सी – युरोपेली च्याम्पियन स्पेनिस क्लब रियल म्याड्रिडका पाँच खेलाडीले मार्काको सिजनको उत्कृष्ट ११ मा स्थान बनाएका छन् ।
अग्रपङ्तिका करिम बेन्जेमासँगै भिनिसियस जुनियर, मिडफिल्डमा लुका मोड्रिच, डिफेन्समा डेभिड अलाबा तथा गोलरक्षक थिवाउट कोर्टुवा परेका हुन् । निर्णायक मन्डलमा ७१ जना सदस्य रहेको टोलीले मतदानमार्फत १ सय खेलाडीका उत्कृष्ट ११ को छनोट गरेको हो ।
पाँच प्रमुख युरोपेली लिगमा सहभागी हुने टोलीले सबैभन्दा धेरै प्रयोग गर्ने ४–३–३ को फर्मेसनमा रहेको टोलीमा च्याम्पियन्स लिग विजेता रियल म्याड्रिडबाट ५ र उपविजेता लिभरपुल र म्यानचेस्टर सिटीबाट समान ३ खेलाडी परेका छन् ।
च्याम्पियन्स लिगको फाइनलमा दुई टोलीबीचको प्रतिस्पर्धा हेर्दा ११ मध्ये ८ खेलाडीले उत्कृष्ट ११ मा स्थान बनाउनु आश्चर्यको कुरा होइन । यस्तै म्यानचेस्टर सिटीबाट पनि तीन खेलाडी उत्कृष्ट ११ को सुचीमा रहेका छन् ।
गोलरक्षकमा कोर्टुवा अपवाद बने । डिफेन्समा लिभरपुलका आर्नाेल्ड र भान डाइक, रियलका अलाबा र सिटीका क्यान्सेलोले स्थान बनाए । अलाबाले आफ्नै सहयात्री इडर मिलिसाओलाई पछि पारेका हुन् ।
मिडफिल्डमा लुका मोड्रिचसँगै पेप ग्वार्डिओलाका दुई खेलाडी केभिन डि ब्रुएना र रोड्री रहेका छन् । रियलका फेडरिको भाल्भेर्डे वरीयतामा रोड्रीसँग पछि परे । अग्रपङ्तिमा बेन्जेमा र भिनिलाई समावेश गर्नमा कुनै शंका छैन । अग्रपङ्तिमा लिभरपुलका सलाहले स्थान बनाएका छन् ।
फ्रान्सेली क्लब पिएसजीले केलियन एमबाप्पेले सलाहले भन्दा धेरै मत ल्याएपनि पिएसजी प्रि–क्वाटरफाइनलबाटै बाहिरिएका कारण उनी पछि परे ।
उत्कृष्ट ११
कोर्टुवा (रियल म्याड्रिड), अलेक्जेन्डर अर्नाेल्ड (लिभरपुल), भर्जिल भान डाइक (लिभरपुल), डेभिड अलाबा (रियल म्याड्रिड), जोओ क्यान्सेलो (म्यानचेस्टर सिटी), रोड्री (म्यानचेस्टर सिटी), केभिन डि ब्रुएना (म्यानचेस्टर सिटी), लुका मोड्रिच (रियल म्याड्रिड), मोहम्मद सलाह (लिभरपुल), भिनिसियस जुनियर (रियल म्याड्रिड) र करिम बेन्जेमा (रियल म्याड्रिड)
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]
October 17, 2024
सन्जोग चाम्लिङ राई प्राकृतिक विपत्तिले धेरै जनधनको क्षति भएको सबैलाई विदितै छ । दुर्भाग्य हो, ६ जना बाल फुटबल खेलाडीहरुलाई पनि यसपालीको विपत्तिले छोडेन । उनीहरुको सपनाको पनि मृत्यु भयो । नेपाली फुटबलले सम्भावित राष्ट्रिय टिमको खेलाडीहरु गुमायो । उनीहरुप्रति श्रद्धासुमन । पंक्तिकारमा संशय छैन, एन्फा महासचिवको तलब १० हजार डलर हुनु पर्छ । त्यसैगरी […]
