एजेन्सी – ब्राजिली फरवार्ड रिचार्लीसन इंग्लिस क्लब टोटेनहम हटस्परमा अनुबन्धित भएका छन् । टोटेनहमले रिचार्लीसनलाई ६० मिलियन पाउन्डमा अर्काे प्रिमियर लिग क्लब एभर्टनबाट अनुबन्धित गरेको हो ।

टोटेनहमले २५ वर्षीय फरवार्डलाई ५ वर्षको लागि क्लबमा अनुबन्धित गरेको हो । उनी अब सन् २०२७ सम्म क्लबमा रहनेछ । एभर्टनले विज्ञप्ति जारी गर्दै रिचार्लीसनलाई क्लबसँगको आफ्नो सेवा, समय र प्रतिबद्धताको लागि धन्यवाद व्यक्त गरेका छन् ।

गत सिजन एभर्टनलाई रेलिगेसनबाट बचाउन रिचार्लीसनको भुमिका महत्वपूर्ण रहेको थियो । उनले गत सिजन टोटेनहमका लागि १० गोल गर्दा ५ असिस्ट दिएका थिए ।

रिचार्लीसन २०१८ जुलाईमा वाट्फोर्डबाट टोटेनहम पुगेका थिए । उनले टोटेनहमका लागि १३५ खेलमा ४३ गोल गरेका छन् । रिचार्लीसन २०१७ मा ब्राजिली क्लब फ्लुमिनेन्सबाट ११.५ मिलियन पाउन्डमा वाट्फोर्ड पुगेका थिए । त्यसको एक सिजन पछि नै उनी एभर्टन पुगेका थिए ।

रिचार्लीसनले मर्सिसाइड क्लबमा सुरुवाती दुई सिजन एभर्टनमा शीर्ष गोलकर्ता रहेका थिए । रिचार्लीसनले २०१८ सेप्टेम्वरमा अमेरिकाविरुद्ध खेल्दै ब्राजिलबाट डेब्यु गरेका थिए । उनले ब्राजिलका लागि ३६ खेलमा १४ गोल गरेका छन् ।

उनी ब्राजिलले सन् २०१९ मा कोपा अमेरिका कप जित्दा टोलीका सदस्य रहेका थिए । उनले फाइनलमा गोल गर्न सफल भएका थिए । उनी ब्राजिलले २०२० को टोकियो ओलम्पिकमा स्वर्ण जित्दा ५ गोलसहित सर्वाधिक गोलकर्ता बनेका थिए ।

टोटेनहमले गोलरक्षक फ्रेजर फोस्टर, इभान पेरिसस र यवेस बिसौमालाई यसअघि नै फ्रि ट्रान्सफरमा सम्झौता गरिसकेको छ ।