एजेन्सी – फरवार्ड अल्भारो मोराटा इटालियन क्लब युभेन्टसबाट स्पेनिस क्लब एट्लेटिको म्याड्रिड फर्किएका छन् ।

सन् २०२० मा स्पेनिस क्लब मड्रिडबाट लोनमा युभेन्टस गएका स्पेनिस फरवार्ड मोराटा दुई सिजनपछि पुनः एट्लेटिको फर्किएका हुन् ।

युभेन्टसले १० मिलियनमा एक वर्षका लागि मोराटालाई लोनमा भित्र्याएको थियो । जसमा ४५ मिलियनमा खरिदको विकल्प र थप १० मिलियनले मोराटालाई स्थायी खेलाडी बनाउने अधिकार युभेन्ट्सलाई थियो ।

युभेन्ट्सले मोराटाका लागि १५ मिलियनको प्रस्ताव गरेपनि एट्लेटिकोले त्यसमा सहमति नजनाएपछि सम्झौता हुन नसकेको जनाएका छन् । एट्लेटिको म्याड्रिड र मोराटाबीचको सम्झौता अर्को वर्ष समाप्त हुनेछ ।

२९ वर्षीय मोराटाले युभेन्ट्समा दुई सिजन बिताउँदा ३२ गोल गरेका छन् । मोराटा सन् २०१४ मा रियल म्याड्रिडबाट युभेन्ट्स पुगेका थिए ।

त्यहाँ दुई सिजन बिताउँदा दुई सिरी ‘ए’, दुई इटालियन कप र एक सुपर कपसँगै सन् २०१५ मा युभेन्ट्सलाई च्याम्पियन्स लिगको फाइनलमा पु¥याएका थिए । त्यसको चार वर्षपछि मोराटा रियल म्याड्रिड, चेल्सी र लोनमा एट्लेटिको म्याड्रिड हुँदै पुनः युभेन्ट्समा पुगेका थिए ।

अल्भारोले हरेक खेलमा, हरेक प्रशिक्षण सत्रमा, कुनैपनि समयमा टोलीलाई सबै थोक दिएका छन् । उनले युभेन्ट्सको जर्सीमा कुल ५९ गोल गरेका छन् । उनले १६ मेमा युभेन्ट्सका लागि एलिएन्ज स्टेडियममा लाजियोविरुद्ध अन्तिम गोल गरेका थिए । तिम्रो भविष्यको शुभकामना अल्भारो र सबै कुराको लागि धन्यवाद’ युभेन्ट्सले लेखेको छ ।