एजेन्सी – इंग्लिस क्लब लिभरपुलका जापानिज स्टार मिडफिल्डर ताकुमी मिनामिनो फ्रान्सेली क्लब मोनाकोमा अनुबन्धित भएका छन् ।

मिनामिनो १५.५ मिलियन पाउन्डमा मोनाकोमा ४ वर्षको लागि अनुबन्धित भएका हुन् । अब २७ वर्षीय मिनामिनो सन् २०२६ सम्म मोनाकोमा रहनेछ ।

मोनाकोले लिभरपुल आउनुअघि नै सन् २०२० मा मिनामिनोलाई अष्ट्रियन क्लब रेडबुल साल्जवर्गबाट अनुबन्धको प्रयास गरेका थिए । तर, मोनाको प्रयास सफल भएन । मिनामिनोले केही समय अर्काे इंग्लिस टोली साउथह्याम्टनमा लोनमा खेलेका थिए । लोन अवधि सकाएर उनी लिभरपुलमा फर्किएका थिए । त्यसपछि उनले लिभरपुलका लागि १० खेलमा अवसर पाएका थिए ।

मोनाकोमा अनुबन्ध भएसँगै मिनामिनोले यो परियोजनाको हिस्सा हुन पाँउदा धेरै खुशी लागेको बताएका छन् । मिनामिनोले लिभरपुलका लागि ५५ खेलमा १४ गोल गरेका छन् ।

उनी गत सिजन इंग्ल्यान्डको घरेलु कपमा लिभरपुलको सर्वाधिक गोलकर्ता बनेका थिए । लिभरपुलले एफए कप र लिग कप जित्दा मिनामिनोले ७ गोल गरेका थिए । यद्यपि, लिभरपुल म्यानचेस्टर सिटीभन्दा एक अंक पछाडि पर्दै प्रिमियर लिग जित्नबाट वञ्चित रह्यो ।

‘एएस मोनाकोमा सामेल हुन पाउनु मेरो लागि खुशीको कुरान हो, एउटा ठुलो परम्परा भएको र लिग वानको सबैभन्दा राम्रो क्लब हो । म मेरो तर्फबाट टोलीलाई राम्रो गर्न सक्दो गर्न तत्पर छु ।’ मिनामिनोले भने । लिभरपुलका प्रशिक्षक योर्गेन क्लोपले टाकीलाई लिभरपुलमा देख्न नपाउनु गाह्रो विषय रहेको तर यो उनको उत्कृष्ट कदम रहेको बताएका छन् । ‘उनी एक प्रतिभाशाली खेलाडी हुन् ।’ क्लोपले भने ।

मिनामिनो अघि साडियो माने जर्मन च्याम्पियन बायर्न म्युनिखमा अनुबन्धित भइसकेका छन् । डार्विन नुनेजलाई लिभरपुलले अनुबन्ध गरिसकेको छ । साडियो मानेले पनि क्लब छोड्ने सम्भावना रहेको छ । डिभोक ओरिगी पनि एसी मिलान जाने तयारीमा छन् ।

फरवार्ड फाबियो कार्भाल्होलाई ५ मिलियन पाउन्डमा तथा एबरडीनका १८ वर्षीय फुलब्याक क्याल्भिन रामसेलाई ४.२ मिलियन पाउण्डमा अनुबन्ध गरिसकेको छ ।