एजेन्सी – स्पेनिस क्लब रियल भालाडोलिडका अध्यक्ष रोनाल्डो नाजारियोले यस समरमा क्लबमा दुई ब्राजिली लेजेन्ड फुलब्याकद्धय मार्सेलो र ड्यानी आल्भेसलाई अनुबन्ध गर्ने सपना रहेको बताएका छन् ।

ब्राजिली लेजेन्ड रोनाल्डोले आफ्नै देशका दुई लेजेन्ड मार्सेलो र आल्भेससँगको राम्रो सम्बन्धको फाइदा उठाउने प्रयास गर्नेछन्, र उनीहरूलाई यसै सिजन शीर्ष डिभिजनमा उक्लिएको भालाडोलिडमा अनुबन्ध गर्न खोजिरहेका छन् ।

ब्राजिलको मिडिया आउटलेट युओल स्पोर्टेकाका अनुसार रोनाल्डो दुई फुल ब्याकको खोजीमा छन्, जसले क्लबलाई प्रचार प्रसारसँगै पिचमा राम्रो गर्ने अपेक्षा गरिएको छ ।सोही स्रोतले टोलीलाई तलबको समस्या नभएको बताइएको छ । अझै पनि, यो कुनै पनि क्लबमा ल्याउन सजिलो काम हुनेछैन । दुवै जना कतार २०२२ मा ब्राजिलको टोलीबाट खेल्न चाहन्छन् ।

रियल म्याड्रिडसँगको आफ्नो १६ वर्षको बसाईपछि उनले दुई साताअघि क्लब छाड्ने घोषणासँगै क्लबले पनि बिदाई गरिसकेको छ । क्लबबाट सबैभन्दा धेरै उपाधि जित्ने खेलाडी बनेका मार्सेलोलाई युरोपभरका धेरै टोलीहरूले अनुबन्ध गर्न खोजिरहेका छन् । इटालियन च्याम्पियन क्लब एसी मिलानले नयाँ सिजनको लागि आफ्नो टोलीलाई बलियो बनाउन चाहेको छ ।

यस्तै आल्भेस क्याटलान क्लब बार्सिलोनामा दोस्रो स्पेलपछि क्लब छोडेर ब्राजिली क्लब फ्लामेंगोसहित धेरै टोलीहरुले उनलाई अनुबन्ध गर्ने योजना बनाइरहेका छन् । ३९ वर्षीय आल्भेस र ३४ वर्षीय मार्सेलोको लक्ष्य यस विन्टरमा हुने विश्वकपमा टोलीमा स्थान बनाउने लक्ष्यमा हुनेछन् । बढ्दो उमेरका कारण उनीहरु ब्राजिलबाट अन्तिम विश्वकप खेल्न चहान्छ ।

स्पेनिस ला लिगाको नयाँ सिजन शुरु हुन अझै समय छ । तर रोनाल्डो र रियल भालाडोलिड ला लिगामा आफ्नो टोलीलाई बलियो बनाउने लक्ष्यमा रहेको छ । भालाडोलिड २०२०–२१ सिजनमा रेलिगेसनमा परेको थियो । भालाडोलिड लगत्तै अर्काे सिजनमा बढुवा हुन सफल भएको हो ।