एजेन्सी – इंग्लिस क्लब आर्सनलका फरवार्ड एडी एनकेडियाले क्लबसँगको सम्झौता नवीकरण गरेका छन् । आर्सनलले शनिबार फरवार्ड एडीले थप पाँच वर्षका लागि सम्झौता नवीकरण गरेको जनाएको छ ।

अब २३ वर्षीय स्ट्राइकर २०२७ सम्म आर्सनलमा रहनेछन् । इंग्ल्यान्डका युवा फरवार्ड एडीले क्लबको प्रतिष्ठित १४ नम्वरको जर्सी प्रदान गरिएको छ । यो आर्सनलका लेजेन्ड थिएरी हेनरीले प्रयोग गरेका जर्सी हो । उनले यसअघि ३० नम्वरको जर्सी प्रयोग गरेका थिए ।

एडीले २०१७ मा आर्सनलको सिनियर टोलीमा डेब्यु गरेका थिए । इंग्ल्यान्डको युवा टोलीमा रहेका एडीले आर्सनलका लागि ९२ खेलमा २३ गोल गरिसकेका छन् ।

क्लबका अध्यक्ष मिकेल अर्टेटाले एडीले सम्झौता नविकरण गरेका खुशी व्यक्त गरेका छन् । ‘हामीसँग बसेकोमा म खुसी छु । उसले हामी सबैको बारेमा र क्लबको सबै मानहरूको प्रतिनिधित्व गर्दछ । हामी धेरै खुसी छौं कि उहाँले आफ्नो अनुबंध विस्तार गर्नुभयो र अब हामीले काम गर्न र उहाँमा रहेको महान प्रतिभा र व्यक्तित्व विकास गर्न जारी राख्नुपर्छ ।’ प्रशिक्षक अर्टेटाले भने ।

आर्सनलका प्राविधिक निर्देशक एडुले एडी विशेष गरी क्लबकै एकेडेमीबाट आएको खेलाडी रहेको र उनीसँग शीर्ष खेलाडी बन्ने क्षमता रहेको बताए । उनले सम्झौता नविकरण गर्नु अर्को सिजनको लागि हाम्रो टोलीको योजनाको एक महत्ववपूर्ण भाग रहेको बताएका छन् ।