काठमाडौं (हाम्रो खेलकुद) – एएफसी एसियन कप छनोट अन्तरगगतको कुवेतविरुद्धको दोस्रो खेलको लागि नेपालको सुरुवाती ११ घोष्णा भएको छ ।

प्रशिक्षक अब्दुल्लाह अलमुताइरीले जोर्डनविरुद्ध पहिलो रोजाईमा उतारेको टोलीलाई नै कुवेतविरुद्धको खेलमा सुरुवाती ११ मै निरन्तरता दिएक छन् ।

प्रशिक्षक अब्दुल्लाह अलमुताइरीले नवयुग श्रेष्ठको कप्तानीमा टोली उतार्दा जोर्डनविरुद्धको खेलमा उच्च प्रदर्शन गरेका गोलरक्षक दीप कार्कीलाई निरन्तरता दिएका छन् ।

डिफेन्समा गौतम श्रेष्ठ, विकास खवास, विकास तामाङ र सुमन अर्याल रहेका छन् । मिडफिल्डमा सेसेहाङ आङ्देम्वे र पुजन उपरकोटी रहेका छन् । फरवार्डमा कप्तान नवयुगसँगै आयुष घलान, मनिष डाँगी र सुरज ज्यू ठकुरी रहेका छन् । मनिष डाँगी र आयुष घलानले विंगबाट फरवार्ड नवयुगलाई साथ दिनेछ ।

खेल कुवेतको जाबिर अल अहमद मैदानमा नेपाली समयअअनुसार राति १० बजेपछि सुरु हुनेछ । नेपाल र कुवेत छनोटमा पहिलो जितको खोजीमा हुनेछ । 

छनोटको समूह ’ए’ मा रहेको नेपाल अंक विहीन रहदै पुछारमा रहेको छ । कुवेत पनि अंक विहीन रहदै तेस्रो स्थानमा रहेको छ । समान ३ अंक जोडेको जोर्डन शीर्ष तथा इन्डोनेसिया दोस्रो स्थानमा रहेको छ । छनोट अन्तर्गत नेपालले अन्तिम खेल ३१ जेठमा इन्डोनेसियासँग खेल्नेछ ।

तेस्रो चरणको छनोटबाट हरेक समूहको शीर्ष टोली एसियन कपमा छनोट हुनेछ । त्यस्तै उत्कृष्ट ५ दोस्रो हुने टोलीले पनि सन् २०२३ मा चीनमा हुने मुख्य प्रतियोगितामा स्थान बनाउनेछन् ।