एजेन्सी- हिजो भएको च्याम्पियन्स लिग अन्तर्गतको खेलहरुमा युभेन्टस, बायर्न लेभरकुसन, स्पर्स, पोर्टो, लेगिया र एफसी कोभेनहेगनले जित आत्मसात गरे । ठुला टोली रियल मड्रीड र डर्टमुन्ड्ले भने बराबरी खेलेका थिए ।

हिजो भएको समुह ‘इ’को खेलमा लेभरकुसनले मोनाकोलाई ३-०ले पराजित गर्‍यो । घरेलु मैदानमा जर्मन टोलिका लागि ब्रान्ड्ट र युर्चेन्कोले गोल गरेका थिए, खेलको ८२औ मिनटमा मोनाकोका डि सान्टोले आत्मघाती गोल गरे । यसै समुहको अर्को खेलमा ईंग्लिश टोली टोटन्ह्याम हट्स्पर्साले मस्कोलाई ३-१ले हरायो, स्पर्सका लागि डेले अलि र ह्यारी केनले १-१ र मस्कोका किपर अफिन्किबले आत्मघाती गोल गरेका थिए । यस समुहमा मोनाको बिजेता र लेभरकुसन उपबिजेता भयो ।

समुह ‘एफ’को खेलमा मड्रीड र डर्टमुन्डले बराबरी खेले, २-२ भएको खेलमा मड्रीडका लागि बेन्जेमाले दुई गोल गरे भने डर्टमन्ड्का लागि औबामियाङ र मार्को रेउसले एक एक गोल गरे । यसै समुहको अर्को खेलमा लेगिया वार्साले स्पोर्टिङ्लाई १-०ले पराजित गर्‍यो घरेलु टोलिका लागि गुल्हेर्मेले गोल गरे । यस समुहमा डर्टमन्ड बिजेता र रियल उपबिजेता भयो ।

समुह ‘जि’को खेलमा एफसी कोभेनहेगनले घरेलु टोली क्लब ब्रुजलाई २-०ले पराजित गर्‍यो । डेन्मार्कको टोलिका लागि योर्गेन्सेनले एक गोल गरे भने अर्को गोल ब्रुजकै मिकेलेले आत्मघाती गोल गरे । यसै समुहको अर्को खेलमा पोर्टोले लेस्टरलाई ५-०ले पराजित गर्‍यो । यो लेस्टरको पहिलो हार हो । पोर्टोका लागि सिल्भाले दुई, कोरोनो, ब्राहिमी र जोटाले एक एक गोल गरेका थिए । यस समुहमा लेस्टर बिजेता र पोर्टो उपबिजेता भयो ।

समुह ‘एच’ को खेलमा युभेन्टसले डाईनामो जारेबलाई २-०ले पराजित गर्दा हेगुयन र रुगानिले एक एक गोल गरे । यसै समुहको अर्को खेलमा लियोन र सेभियाले गोल रहित बराबरी खेलेका थिए । यस समुहमा युभेन्टस बिजेता र सेभिया उपबिजेता भयो ।