दिपक बोहोरा ,पाँचथर

पाँचथर धेरै फुटबल क्रेज भएको जिल्ला हो । पछिल्लो समयमा पाँचथरमा दिनै पिच्छे जस्तै फुटबल प्रतियोगिताहरु भइरहेका छन । प्राय गाँउ गाँउमा १५ हजार देखि १ लाख सम्म पुरस्कार राशी भएका प्रतियोगिताहरु सञ्चालन भइरहेका छन ।

फुटबल प्रतियोतिाहरु टन्नै भए पनि प्राय गा.बि.स हरुमा फुटबल मैदानको अभाव रहेको छ । जिल्ला सदरमुकाम फिदिममा पनि ९ खेलाडी खेल्न मिल्ने मैदान मात्र रहेको छ । जिल्ला सदमुककाम फिदिममा रहेको यो खेलमैदान पनि फिदिम उच्च मा.बि को नाममा रहेको छ । जिल्ला सदमुकाममा समेत राम्रो खेलमैदानको अभाव रहेको छ ।

प्रत्येक वर्ष फिदिम स्पोटिङ क्लबले आयोजना गर्ने पुर्वि पहाडकै प्रतिष्ठित फाल्गुनन्द गोल्ड कप पनि फिदिम उच्च मा.बि को ९ खेलाडी खेल्न मिल्ने मैदानमा खेलाउदै आएको छ । जिल्लाका याङनाम ,रबि , पञ्चमि ,नबमिडाँडा, यासोक , रानिटार , फाक्तेप र लिम्बा गा.वि.स मा ९ जना खेल्न मिल्ने खेलमैदाल रहेको छ । भने बाकि केहि गा.बि.स हरुमा ७ जना खेल्ने मैदान मात्र रहेको छ । धेरै गा.बि.स हरुमा खेलमैदान नै नभएको जानकारहरु बताउछन । जिल्लमा ११ जना खेल्न मिल्ने मैदान कुनै गा.बि.समा नरहेको बताइन्छ । नबमिडाँडा, रानिटार, याङनाम मा ११ जना खेल्ने मैदान बनाउने तयारी गरीएको जानकारहरु बताउछन ।

उपयुक्त खेलमैदानको अभावको कारण फाल्गुनन्द गोल्ड कपमा ए डिभिजनका टिमहरु र राम्रा टिम ल्याउन नसकिएको फिदिम स्पोटिङ क्लबका महासचिब पासाङ तामाङले बताउनु भयो । जिल्ला सदमुककाममा रङशाला निर्माणको लागी पहल सुरु गरीए पनि उपयुक्त जग्गाको अभावले सो योजना पुर्णता नपाएको तामाङले बताउनु भयो ।