एजेन्सी – अल्भारो मोराटा र परिवर्तित खेलाडी पाब्लो साराविया चम्कदा स्पेनले अन्तर्राष्ट्रिय मैत्रीपूर्ण खेलमा सानदार जित निकालेको छ । घरेलु मैदानमा स्पेनले आइसल्यान्डलाई ५–० को भारी गोलअन्तरले पराजित गरेको हो ।

स्पेनमा मंगलबार राति भएको खेलमा घरेलु टोलीको फराकिलो जितमा अल्भारो मोराटा र पाब्लो सारावियाले समान दुई गोल गर्दा यारेमी पिनोले एक गोल थपे । स्पेनले पहिलो हाफमा दुई तथा दोस्रो हाफमा तीन गोल थपेको थियो ।

३७औं मिनेटमा मोराटाले गोल गर्दै स्पेनलाई सुरुवाती अग्रता दिलाए । उनले ह्युगो गुइलामोनको पासमा गोल गर्न सफल भएका थिए । ४०औं मिनेटमा मोराटाले नै पेनाल्टीमा गोल गर्दै स्पेनलाई पहिलो हाफमा २–० ले अघि बढाए ।

४७औं मिनेटमा यारेमी पिनोले गोल गर्दै स्पेनलाई ३–० ले अघि बढाए । उनले जोर्डी अल्वाको पासलाई सदुपयोग गरेका थिए । ६१औं मिनेटमा परिवर्तित खेलाडी पाब्लो सारावियाले गोल गरेपछि स्पेन खेलमा ४–० ले अघि बढ्यो ।

५८औं मिनेटमा मोराटाको स्थानमा मैदान छिरेका सारावियाले मार्काेस अलन्सोको पासमा गोल गरेका थिए । ७३औं मिनेटमा सारावियाले अलन्सोकै पासमा गोल गर्दै टोलीको फराकिलो जित पक्का गरे ।

अन्य नजिता
अजरवैजानविरुद्ध लात्भिया (०–१), क्रोएसियाविरुद्ध बुल्गेरिया (२–१), लिचेस्टाइनविरुद्ध फारोई आल्यान्ड (०–१), अल्वानियाविरुद्ध जर्जिया (०–०), बहराइनविरुद्ध बेलारुस (०–१), डेनमार्कविरुद्ध सर्विया (३–०), फिनल्यान्डविरुद्ध स्लोभाकिया (०–२), स्वीट्जरल्यान्डविरुद्ध कोसोभो (१–१), माल्टाविरुद्ध कुवेत (२–०), नर्वेविरुद्ध अर्मेनिया (९–०), कतारविरुद्ध स्लोभेनिया (०–०), इजरायलविरुद्ध रोमानिया (२–२), अष्ट्रियाविरुद्ध स्कटल्यान्ड (२–२), बेल्जियमविरुद्ध बुर्किना फासो (३–०), इंग्ल्यान्डविरुद्ध आइभोरी कोस्ट (३–०), नेदरल्यान्ड्सविरुद्ध जर्मनी (१–१), टर्कीविरुद्ध इटाली (२–३) र वेल्सविरुद्ध चेक रिपब्लिक (१–१)