आर्मीको फराकिलो जित

भरतपुर (हाम्रो खेलकुद) – विभागीय त्रिभुवन आर्मी फुटबल क्लबले महिला राष्ट्रिय लिगमा पहिलो जित दर्ता गर्दा ललितपुर महानगरपालिकामाथि फराकिलो जित निकालेको छ ।

भरतपुरमा आइतबार भएको खेलमा आर्मीले ललितपुरमाथि ७–० को फराकिलो जित निकालेको हो । आर्मीको फराकिलो जितमा रश्मी कुमारी घिसिङ र शर्मिला थापामगरले समान दुई गोल गरिन् । बिमला चौधरी र कुसम खतिवडाले समान एक गोल गर्दा एक गोल उपहार पाएको थियो ।

पहिलो जित निकालेको आर्मीले दुई खेलबाट ३ अंक जोडेको छ । आर्मी पहिलो खेलमा उपाधि दावेदार नेपाल एपिएफ क्लबसँग २–१ ले पराजित भएको थियो । पहिलो हार बेहोरेको ललितपुरको पनि २ खेलबाट ३ अंक नै रहेको छ । ललितपुरले पहिलो खेलमा चन्द्रपुर नगरपालिका रौतहटलाई १–० ले पराजित गरेको थियो ।

अर्काे खेलमा विराटनगर महानगरपालिका मोरङले वालिङ नगरपालिका स्याङ्जालाई ३–१ ले पराजित गरेको छ । विराटनगरको जितमा मिना खातुनले दुई तथा अस्मिता चौधरीले एक गोल गरिन् । वालिङकी सुस्मिता तामाङले एक गोल फर्काए ।

विराटनगरले पहिलो जित निकाल्दा वालिङले लगातार दोस्रो हार बेहोरेको हो । विरटनगर पहिलो खेलमा पुलिससँग २–० ले पराजित भएको थियो । वालिङले धनगढी उपमहानगरपालिकासँग ६–० को हार बेहोरेको थियो ।

Latest News

Popular News

फुटबल

पाँचथर गोल्ड कप फागुनमा हुने

बार्सिलोना पराजित, एट्लेटिको दोस्रो स्थानमा

म्यानचेस्टर डर्बीमा युनाइटेडको जित

चर्चित खेलहरु:

उपयोगी लिङ्कहरू

सम्पर्क

सामाजिक संजाल