काठमाडौं (हाम्रो खेलकुद) – दुई मैत्रीपूर्ण खेलका लागि राष्ट्रिय पुरुष फुटबल टोली सोमबार थाइल्यान्ड प्रस्थान गरेका छन् । नेपाली टोली सोमबार दिउँसो त्यसतर्फ प्रस्थान गरेका हुन् ।

अखिल नेपाल फुटबल संघ (एन्फा) ले नेपाली टोलीलाई आइतबारै बिदाई गरेको थियो । नेपाल र थाइल्यान्डको राष्ट्रिय टोलीबीच चैत १० गते मैत्रीपूर्ण खेल हुनेछ । त्यस्तै चैत १३ गते राष्ट्रिय टोली र थाइल्यान्डको चोनबुरी एफसीसँग प्रतिस्पर्धा हुनेछ । दुवै खेल थाइल्यान्डको चोनबुरीमा हुनेछ ।

एएफसी एसियन कप छनोटको तयारीमा रहेको नेपालले थप तयारीका लागि मैत्रीपूर्ण खेल खेल्न लागेको हो । यसअघि नेपालले माघ १५ गते र माघ १८ गते अफ्रिकी राष्ट्र मौरिसससँग खुई मैत्रीपूर्ण खेल खेलेको दुवै खेलमा नेपालले समान १–० को जित निकालेको थियो ।

व्यवसायिक फुटबल खेल्नका राष्ट्रिय टोलीका कप्तान समेत रहेका किरण चेम्जोङ माल्दिभ्स र रोहित चन्द इन्डोनेसियामा छन् । उनीहरु त्यहिबाट थाइल्यान्ड जाने बताइएको छ । २५ सदस्य भित्र रहेको जगजित श्रेष्ठ भने अष्ट्रेलिया पुगेका छन् ।

मुख्य प्रशिक्षक अब्दुल्लाह अलमुताइरीले एएफसी कप खेल्ने मछिन्द्र फुटबल क्लब तथा राष्ट्रिय टोलीकै ८ महत्वपूर्ण सदस्यलाई टोलीमा समेटेका छैनन् । मछिन्द्रले २२ चैतमा घरेलु मैदानमा श्रीलंको टोलीसँग खेल्दैछ ।

नेपाली टोली

किरण चेम्जोङ (गोलकिपर), टिकेन्द्र थापा (गोलकिपर), दीप कार्की (गोलकिपर), आशिष लामा, आयुष घलान, अनन्त तामाङ, अन्जन विष्ट, एरिक विष्ट, प्रशान्त अवस्थी, नवीन गुरुङ, दर्शन गुरुङ, नितिन थापा, दीनेश राजवंशी, गौतम श्रेष्ठ, पुजन उपरकोटी, सन्तोष तामाङ, आकाश बुढामगर, सुमन अर्याल, सुमन लामा, सुदीपक गुरुङ, सुरज ज्यू ठकुरी, तेज तामाङ, सुवास गुरुङ, रोहित चन्द

अफियिसल इन्द्रमान तुलाधर (हेड अफ डेलिगेट्स), विजय घले (टिम अफिसियल), पुर्णमान चित्रकार (टिम अफिसियल), अब्दुल्लाह अलमुताइरी (मुख्य प्रशिक्षक) किरण श्रेष्ठ (सहायक प्रशिक्षक), बिकास मल्ल (गोलकिपिङ प्रशिक्षक) कृष्णभक्त मानन्धर (टिम कोर्डिनेटर), मधुसुदन उपाध्यय (टिम म्यानेजर) आविष्कार पुडासैनी (फिजियो थेरापिस्ट), विवेक सुवेदी (मिडिया अफिसर), विकास गुरुङ (किट म्यानेजर)