एजेन्सी – रियल म्याड्रिडका प्रशिक्षक कार्लो एन्सेलोटीले बार्सिलोनाविरुद्ध आइतबार हुने एल क्लासिको टोलीका लागि महत्वपूर्ण हुने बताएका छन् । यद्दपी त्यो खेलको नतिजाले रियलको उपाधि दौडलाई खासै प्रभाव पार्ने देखिन्न ।

तर, प्रशिक्षक एन्सेलोटी बार्सिलोनालाई हराउँदै उपाधि दौडलाई थप सहज बनाउन चाहन्छन् । त्यसअर्थ उनले बार्सिलोनाविरुद्ध खेललाई अन्य क्लबको दाजोमा फाइनल सरह हुने बताएका छन् । ला लिगाको शीर्ष स्थानमा रहेको रियलको तेस्रो स्थानको बार्सिलोनाको भन्दा १५ अंक बढी छ ।

लिओनल मेस्सी पेरिस सेन्ट जर्मेन (पिएसजी) गएयता बार्सिलोना एकरुपताको प्रदर्शनका लागि संघर्ष गरिरहेको छ । इटालियन प्रशिक्षक लिगकै सर्वाधिक ठूलो प्रतिद्वन्द्विका रुपमा रहेको बार्सिलोनालाई हराउन सके उपाधि लगभग निश्चित हुने विश्वासमा छन् ।

त्यसले अन्य टोलीलाई पनि रियल सबैभन्दा बलियो टोली हो सन्देश दिन मद्दत गर्नेछ । जसले उनीहरुलाई च्याम्पियन्स लिगको खेलका लागि उर्जा दिने विश्वास गरिएको छ । दुई टोलीबीच अहिले लिगका अंकमा ठूलो अन्तर भएपनि रियलले आउने खेलहरुलाई मध्यनजर गर्दै सावधानीपूर्णक बार्सिलोनाविरुद्ध टोली उतार्नुपर्ने हुन्छ ।

चेल्सीविरुद्धको च्याम्पियन्स लिग क्वार्टरफाइनल खेल्नुअघि रियल ला लिगामा बलियो अवस्थामा रहने प्रयासमा हुनेछ । चेल्सी अघि लिगमा रियलले सेभिल्लाको सामना गर्नुपर्नेछ । फरलान्ड मेन्डीको बार्सिलोनाविरुद्ध खेल्ने छैनन् भने मुख्य खेलाडी करिम बेन्जेमामा पनि फिटनेसका लागि संघर्ष गरिरहेका छन् । त्यसका बावजुद पनि टोली बलियो अवस्थामा रहेको विश्वास गरिन्छन् । फेब्रुअरीमा पनि खेलाडकिो चोटका कारण टोलीमा केहि समस्या परेको थियो । त्यसमा अहिले उच्च प्रदर्शन गरिरहेका भिनिसियस जुनियर पनि थिए ।

‘युवा स्टाहरुले निकै ठूलो मद्दत गरिरहेका छन्, त्यसमा पनि मुख्य गरि मिडफिल्डमा,’ एन्सेलोटीले भने का छन् ।

लामो समयपछि अहिले रियलको ड्रेसिङ रुम पनि उत्साहजनक रहेको विश्वास गरिन्छ । टोलीमा कुनै अहंकार छैन, एकले अर्कालाई सहयोग गरिरहेका छन् । च्याम्पियन्स लिगको अन्तिम १६ मा पेरिस सेन्ट जर्मेन (पिएसजी)लाई हराएपछि टोलीहरुसँग रात्रीभोजका लागि गएका थिए ।

मैदान बाहिर पनि टोलीलाई एकजुट राख्न एन्सेलोटी सफल भएका छन् । जसले टोलीको नजितामा पनि सकारात्मक प्रभाव पारेको विश्वास गरिन्छ । अब उनी जति सक्दो छिटो टोलीका लागि ला लिगा उपाधि पक्का गर्न चाहन्छन् ।