एजेन्सी – फ्रान्सेली क्लब लियोन, इंग्लिस क्लब वेस्ट ह्याम युनाइटेडसँगै जर्मन क्लब आइनट्राख्ट फ्रान्कफुर्ट युरोपा लिगको क्वाटरफाइनलमा प्रवेश गरेका छन् ।

पोर्चुगिज प्रतिद्धन्द्धी एफसी पोर्टाेसँग दोस्रो लेगमा १–१ गोलको बराबरीमा रोकिएपनि समग्रमा २–१ को जित निकाल्दै लियोनले अन्तिम आठको यात्रा तय गरेको हो । पहिलो लेगमा लियोनले १–० को जित निकालेको थियो ।

घरेलु मैदानमा बिहीबार राति भएको खेलमा लियोनका मोउसा डेम्वेलेले गोल गर्दा पोर्टाेका पेपेले बराबरी गोल फर्काएपनि पहिलो लेगमा भोगेको हारका कारण अघिल्लो चरण पुग्न पर्याप्त बनेन । डेम्वेलेले १३औं मिनेटमा लियो डुवोइसको पासमा गोल गरेका थिए । पेपेले २७औं मिनेटमा फावियोको पासमा गोल गर्न सफल भएका थिए ।

अर्काे खेलमा वेस्ट ह्याम युनाइटेडले स्पेनिस क्लब सेभियालाई अतिरिक्त समयमा २–० को तथा समग्रमा २–१ को जित निकाल्दै क्वाटरफाइनलमा प्रवेश गरेको छ । दोस्रो लेगमा निर्धारित समयमा वेस्ट ह्याम १–० ले अघि रहेपनि समग्रमा १–१ गोलको बराबरीपछि खेल अतिरिक्त समयमा लम्विदा वेस्ट ह्यामले बाजी मार्न सफल भयो ।

घरेलु मैदानमा बिहीबार राति भएको खेलमा घरेलु टोली वेस्ट ह्यामले खेलको ३९औं मिनेटमा थोमस सौसेकको गोलबाट अग्रता लिएको थियो । उजले मिचेल एन्टेनियोको पासमा गोल गर्न सफल भएका थिए । त्यसपछि अतिरिक्त समयको ११२औं मिनेटमा एन्ड्री यार्मोलेन्कोले फाब्लो फोर्नाल्सको पासमा गोल गर्दै टोलीलाई जित दिलाए ।

अर्काे खेलमा जर्मन क्लब फ्रान्कफुर्टले दोस्रो लेगमा रियल बेटिसलाई १–१ गोलको बराबरीमा रोक्दै समग्रमा ३–२ को जित निकाल्दै क्वाटरफाइनलमा स्थान पक्का गरेको छ । फ्रान्कफुर्टको मैदानमा रियल बेटिसका बोर्जाले गोल गर्दा अतिरिक्त समयमा गुइडो रोड्रिग्वेजले आत्मघाती गोल गरेपछि रियल बेटिस पछि पर्दै बाहिरियो ।