3 years ago
March 5, 2022
काठमाडौं (हाम्रो खेलकुद) – नेपाल सुपर लिग (एनएसएल) को अक्सन शुक्रबार काठमाडौंमा सम्पन्न भयो । दोस्रो संस्करणमा सहभागी सबै १० टोलीले अक्सनमार्फत ए, बी र सी श्रेणीबाट कुल १५-१५ खेलाडी अनुबन्धन गरे ।
अक्सनमा सहभागी २ सय ४७ खेलाडीमध्य सबै १० टोलीको बोली भने दुई खेलाडीमा मात्र लाग्यो । अक्सनमा १४ औं खेलाडीका रुपमा आएका लाकेन लिम्बुमाथि सबै १० टोलीले बोली लगाए । सी श्रेणीका खेलाडी लाकेनको नाम आएको केही बेरमा नै अधिकतम १ लाख रुपैयाँ भाउ पुगेपछि गोलाप्रथा गरिएको थियो । सबै १० टोली सहभागी गोलाप्रथामा झापा एफसीले बाजी मार्यो ।
लाकेन रुस्लान थ्री स्टारबाट ए डिभिजन लिग खेलेका खेलाडी हुन् । यसै सिजन ए डिभिजनमा डेब्यु गरेका उनी सिंगापुरबाट आएका हुन् । लिगको अन्त्यतिर मात्र अवसर पाएका उनले समग्रमा ५ खेल सुरुवात गर्दै कुल ८ खेल खेले । उमेरले १९ वर्ष पुगेका उनी सेन्टर मिडफिल्डमा खेल्छन् । रक्षात्मक रुपमा बलिया खेलाडी उनी शारीरिक हिसाबमा पनि विकसित भएका छन् । सी श्रेणीमा उनीमाथि सबै टोलीले ध्यान दिनु स्वभाविक थियो ।
त्यस्तै १६ औं खेलाडीमा आएका शिव गुरुङले पनि सबै टोलीको ध्यान ताने । नाम आएको केही सेकेन्डमा नै बी श्रेणीमा नाम रहेका शिवको अधिकतम मूल्य १ लाख ५० हजार पुगेको थियो । वीरगंज युनाइटेडले गोलाप्रथामा भाग्यमानी हुँदै उनलाई आफ्नो टोलीमा समेट्यो । मार्की खेलाडी देवेन्द्र तामाङ आफैं पनि डिफेन्डर भएकाले शिवबारे राम्रो जानकारी राखेका थिए ।
शिवले यस सिजन न्यु रोड टिम (एनआरटी) बाट लिग खेलेका थिए । उनले लिगमा १२ खेल खेल्दा ११ त सुरुवाती रोजाइमा खेल्दै पूरा ९० मिनेट मैदानमा बिताए । रुपन्देहीका शिवले गत सिजन बाँसबारी क्लबबाट बी डिभिजन खेल्दै प्रभाव छाडेका थिए । सेन्टर हाफ र राइट ब्याक दुवै पोजिसनमा खेल्न सक्ने उनलाई मनाङ मर्स्याङ्दीले आहा गोल्डकपको लागि समेत लगेको थियो । उनले मनाङका लागि पनि सुरुवाती रोजाइमा खेलेका थिए ।
समग्रमा अक्सनमा टोलीहरुको प्रदर्शन यस्तो रहयो : अक्सनमा पोखरा बलियो, अधिकांश विदेशीकै भरमा
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]