3 years ago
February 27, 2022
एजेन्सी – फ्रान्सेली युवा फरवार्ड केलियन एमबाप्पेले दुई गोलसँगै एक असिस्ट दिएपछि शीर्षस्थानमा रहेको पेरिस सेन्ट जर्मेन (पिएसजी) ले फ्रेन्च लिग वानमा सानदार पूनरागमन जित निकालेको छ ।
पिएसजीले घरेलु मैदानमा एक गोलले पछि परेको स्थितिमा सेन्ट इटिएनमाथि ३–१ को सहज जित निकालेको हो । पिएसजीको जितमा एमबाप्पेले दुई तथा डानिलो पेरेइराले एक गोल गरे । सेन्ट इटिएनका डेनिस वोउएंगाको गोल सान्त्वना बन्यो ।
पार्क डेस प्रिन्सेसमा शनिबार राति भएको खलेमा घरेलु टोली पिएसजी खेलको १६औं मिनेटमा डेनिसको गोलबाट पछि परेको थियो । तर, पिएसजी ४२औं मिनेटमा एमबाप्पेको गोलबाट खेलमा फर्किएको थियो । एमबाप्पेले लियोनेल मेस्सीको पासमा गोल गर्न सफल भएका थिए ।
४७औं मिनेटमा मेस्सीकै पासमा एमबाप्पेले व्यक्तिगत र टोलीका लागि दोस्रो गोल गर्दै पिएसजीलाई २–१ ले अघि बढाए । ५२औं मिनेटमा डानिलो पेरेइराले गोल गर्दै पिएसजीलाई खेलमा ३–१ ले अघि बढाए । उनले एमबाप्पेको पासमा गोल गर्न सफल भएका थिए । त्यसपछि थप गोल निस्कन नसक्दा पिएसजी विजयी हुन सफल भयो ।
यो जितसँगै पिएसजीले शीर्षस्थानमा १६ अंकको स्पष्ट अग्रता लिएको छ । पिएसजीको २६ खेलबाट ६२ अंक पुगेको छ । समान खेलबाटै दोस्रो स्थानमा रहेको निसको ४६ अंक छ । पराजित सेन्ट इटिएन २२ अंक जोडेर १६औं स्थानमा रहेको छ ।
November 1, 2024
काठमाडौं (हाम्रो खेलकुद ) – नेपाली राष्ट्रिय महिला फुटबल टोलीकी मिडफिल्डर प्रीति राईलाई ब्यागमान्डु बाई प्रियाले नगदसहित सम्मान गरेको छ । ब्यागमान्डुले आफ्नो तेस्रो वार्षिकोत्सवका अवसरमा शुक्रवार साफ महिला च्याम्पियनसिपमा उत्कृष्ट प्रदर्शन गरेकी प्रीतिलाई २५ हजार रुपैयाँ सहित सम्मान पत्र र गिफ्ट ह्याम्परदले सम्मान गरेको हो । ब्यागमान्डुकी प्रबन्ध निर्देशक प्रिया मानन्धर तथा १३औं दक्षिण […]
November 1, 2024
काठमाडौं (हाम्रो खेलकुद) – साफ महिला च्याम्पियनसिप २०२४ को फाइनलमा नेपालका लागि एकमात्र गोल गर्न सफल मिडफिल्डर अमिषा कार्कीलाई नगदसहित सम्मान गरिएको छ । एसएस फाउन्डेसनले अमिषालाई १ लाख रुपैयाँसहित शुक्रवार सम्मान गरेको हो । संस्थाका संरक्षक सोभित उप्रेती तथा अध्यक्ष मदनदास श्रेष्ठले साफ महिला च्याम्पियनसिपमा उत्कृष्ट प्रदर्शन गरेको भन्दै अमिषालाई सम्मान गरेको बताए । […]
October 31, 2024
काठमाडौं (हाम्रो खेलकुद)- प्रधानमन्त्री केपी शर्मा ओलीले साफ महिला च्याम्पियनसिप फुुटबलको उपविजेता नेपाली टोलीलाई सरकारले तिहारको बिदा सकिएलगत्तै पुरस्कार दिने बताएका छन् । प्रधानमन्त्री निवास बालुवाटारमा फुुटबल टोलीका खेलाडी, अखिल नेपाल फुटबल संघ (एन्फा) का पदाधिकारीसँगको बिहीवार भएको भेटमा प्रधानमन्त्री ओलीले खेल क्षेत्रको विकास र खेलाडीलाई प्रोत्साहनमा कुनै कञ्जुस्याइँ नगर्ने भन्दै तिहारलगत्तै पुरस्कार प्रदान गर्ने […]
