एजेन्सी – युरोपा कन्फ्रेस लिगको प्ले अफमा सानदार जित निकाल्दै इंग्लिस क्लब लेस्टर सिटी प्रि–क्वाटरफाइनलमा प्रवेश गरेको छ । दोस्रो लेगमा डेनिस क्लब रान्डर्स एफसीलाई ३–१ ले तथा समग्रमा ७–२ ले पराजित गर्दै लेस्टरले अन्तिम १६ मा स्थान पक्का गरेको हो ।

पहिलो लेगमा लेस्टरले ४–१ को जित निकालेको थियो । बिहीबार राति रान्डर्सको मैदानमा लेस्टरको सहज जितमा जेम्स म्याडिसनले दुई तथा हार्भे बार्नेसले एक गोल गरे । घरेलु टोलीका स्टेफन ओडेले एक गोल फर्काए ।

खेलको दोस्रो मिनेटमा हार्भे बार्नेसको गोलबाट लेस्टरले सुरुवाती अग्रता लिएको थियो । उनले वेलफ्रेड एनडिडीको पासमा गोल गरेका थिए ।
त्यसपछिको दुवै गोल जेम्सको नाममा रह्यो । जेम्सले पाँच मिनेटको अन्तरमा दुई गोल गोल गर्दै टोलीलाई सहज जित दिलाए ।

७०औं मिनेटमा पहिलो गोल गरेका जेम्सले ७४औं मिनेटमा अर्काे गोल थपेपछि लेस्टर खेलमा ३–० ले अघि बढ्यो । ८४औं मिनेटमा स्टेफन ओडेले गोल गर्दै खेललाई ३–१ को अवस्थामा ल्याए ।

अन्य नतिजा

बोडो/ग्लिम्टविरुद्ध सेल्टिक (२–०) समग्रमा (५–१)

माकावी तेल अभिभविरुद्ध पिएसभी इन्डोभेन (१–१) समग्रमा (१–२)

पार्टीजानविरुद्ध स्पार्टा प्राहा (२–१) समग्रमा (३–१)

क्वारावागविरुद्ध मार्से (०–३) समग्रमा (१–६)

पाओकविरुद्ध मिट्जेल्यान्ड (२–१) पेनाल्टी

स्लाभिया प्राहाविरुद्ध फेनरवाच (३–२) समग्रमा (६–४)

भिटेसेविरुद्ध ¥यापिड वेन (२–०) समग्रमा (३–२)