काठमाडौं (हाम्रो खेलकुद) – सहिद स्मारक ए डिभिजन लिगको ४४ औं संस्करण यो साता सम्पन्न हुँदैछ । १३ औं तथा अन्तिम चरणका ७ खेलसँगै लिगले बिट मार्नेछ । लिगको विजेता र रेलिगेसनमा पर्ने दुई टोलीको टुंगो लागिसकेकाले अबका खेलले दोस्रो देखि १३ औं स्थान सम्मको टोलीको छिनोफानो गर्नेछ ।

११ औं चरणमा मछिन्द्र फुटबल क्लबले लिग उपाधिको रक्षा गरेको थियो । सातदोबाटो युथ क्लबलाई १–० ले हराउँदै उपाधि पक्का गरेको मछिन्द्रले १२ औं चरणमा थ्री स्टार क्लबलाई सोहि अन्तरमा पराजित गरेको थियो । सातदोबाटोसँग ३–२ को हारसँगै ब्रिगेड ब्वाइज क्लब (बिबिसी) को ए डिभिजनको हैसियत गुमेको थियो । त्यसअघि फ्रेन्ड्स क्लबसँग २–१ ले पराजित भएसँगै च्यासल युथ क्लब तीन बर्षमै बी डिभिजनमा घटुवा भएको थियो ।

अन्य खेलमा जावलाखेल युथ क्लबले हिमालयन शेर्पा क्लबलाई २–१ ले , एनआरटीले मनाङ मस्र्याङ्दी क्लबलाई १–० ले र त्रिभुवन आर्मी फुटबल क्लबले संकटा क्लबलाई ३–१ ले हराएको थियो । ७ मध्ये ६ खेलमा हार जित हुँदा दुई विभागिय टोली नेपाल पुलिस क्लब र एपिएफ फुटबल क्लबबीचको एकमात्र खेल १–१ को बराबरी खेलेका थिए । १२ औं चरणमा १९ गोल सम्भव भएको थियो ।

लिगमा अहिले सम्म भएको ८४ खेलमा ५५ खेलमा हार जितको नतिजा निस्केको छ । २९ खेल बराबरीमा टुंगिएका छन् । त्यसमध्ये १४ खेल गोलरहित र १५ खेल गोलसहितको बराबरी भएको थियो । लिगमा १ सय ७४ गोल भएका छन् । पहिलो हाफमा ७९ र दोस्रो हाफमा ९५ गोल सम्भव भएका थिए । सातदोबाटोका अजायी मार्टिन्स र मनाङका ओलावाले अफिज बाहेक अन्य खेलाडीले ह्याट्रिक गर्न सकेका छैनन् ।

८ खेलाडीले पेनाल्टीमा गोल गर्दा ४ खेलाडीको नाममा आत्मघाती गोल रहेको छ । ३ खेलाडीले पेनाल्टीमा गोल गर्न सकेनन् । लिगमा अहिले सम्म २ सय ३९ पहेलो कार्ड र ५ रातो कार्ड प्रयोग भएका छन् । ७ गोलका साथ फ्रेन्ड्सका जमोल एन्थोनी फ्रान्कोइस लिगको सर्वाधिक गोलकर्ताको शीर्षस्थानमा छन् । समान ६ गोलरहित मनाङका ओलावाले अफिज र मछिन्द्रका सुनिल बल संयुक्त रुपमा दोस्रो स्थानमा छन् । एपिएफका आशिष लामा र सातदोबाटोका अजायी मार्टिन्सले समान ५ गोल गरेका छन् ।

त्यस्तै मछिन्द्रका विमल घर्तीमगर, एनआरटीका दर्शन गुरुङ, फ्रेन्ड्सका नाथानिल जुडे गार्सिया, शेर्पाका मुताम्वा पिस्टोन, मनाङका अन्जन विष्ट, एनआरटीका मेसुके ओलुमोउ, पुलिसका सुमन लामा, संकटाका उत्तम राई र आर्मीका जर्जप्रिन्स कार्कीले समान ४ गोल गरेका छन् । लिगमा ९ खेलाडीले ३ गोल, १७ खेलाडीले २ र ४८ खेलाडीले १ गोल गरेका छन् ।

यस्तो छ अन्तिम चरणको खेल तालिका

लिगको १३ औं तथा अन्तिम चरणका ७ खेल साताका अन्तिम ३ दिनमा सम्पन्न हुनेछ । बिहीबारबाट सुरु हुने अन्तिम चरणका खेल शनिबार सम्पन्न हुनेछ ।

बाँकी ७ मध्ये ४ खेल दशरथ रंगशाला र ३ खेल सातदोबाटोस्थित एन्फा कम्प्लेक्सको मैदानमा हुने अखिल नेपाल फुटबल संघ (एन्फा) ले जनाएको छ । लिगका ९१ मध्ये मंगलबार सम्ममा ८४ खेल सम्पन्न भइसकेका छन् । एन्फाले मंगलबार सार्वजनिक गरेको खेल तालिका अनुसार फागुन १२ गते एन्फाको मैदानमा रेलिगेसनमा परिसकेको च्यासल युथ क्लबले सातदोबाटो युथ क्लबसँग प्रतिस्पर्धा गर्नेछ । सोही दिन फ्रेन्ड्स क्लब र हिमालयन शेर्पा क्लबबीच दशरथ रंगशालामा खेल हुनेछ ।

फागुन १३ गते जावलाखेल युथ क्लब र संकटा क्लबबीच दशरथ रंगशाला र सोही दिन एन्फामा ए डिभिजनबाट घटुवा भइसकेको ब्रिगेड ब्वाइज क्लबले थ्री स्टार क्लबको सामना गर्नेछ । लिगको अन्तिम दिन फागुन १४ गते शनिबार ३ खेल हुनेछन् । एन्फा मैदानमा न्युरोड टिम एनआरटीले नेपाल पुलिस क्लबबीच प्रतिस्पर्धा हुनेछ ।

सोही दिन दशरथ रंगशालामा पहिलो खेल त्रिभुवन आर्मी फुटबल क्लबले मनाङ मस्र्याङ्दी क्लबले एकअर्काको सामना गर्नेछन् । त्यसै दिन लिगको अन्तिम खेलमा विजेता मछिन्द्र फुटबल क्लब र नेपाल एपिएफ फुटबल क्लबबीच हुनेछ ।

१३औं चरणको खेल

च्यासलविरुद्ध सातदोबाटो

शेर्पाविरुद्ध फ्रेन्ड्स

जावलाखेलविरुद्ध संकटा

एनआरटीविरुद्ध पुलिस

बिबिसीविरुद्ध थ्री स्टार

आर्मीविरुद्ध मनाङ

मछिन्द्रविरुद्ध एपिएफ

जम्मा खेलः ८४

५५ जितको नतिजा

२९ बराबरीको नतिजा [१४ खेल गोलरहित, १५ खेल गोलसहित]

जम्मा गोल – १७४

पहिलो हाफमा गोल – ७९ गोल

दोस्रो हाफमा गोल – ९५ गोल

ह्याट्रिक – २ [अजायी मार्टिन्स (सातदोबाटो) एपीएफविरुद्ध, ओलावाले अफिज (मनाङ) च्यासलविरुद्ध]

आत्मघाती गोल – ४

पहेंलो कार्डः २३९

रातो कार्ड – ५

पेनाल्टीमा गोल – ८

पेनाल्टी मिस – ३

सर्वाधिक गोलकर्ता

१. जमोल एन्थोनी फ्रान्कोइस (फ्रेन्ड्स) – १+१+२+१+२ – ७ गोल

२. ओलावाले अफिज (मनाङ) – १+१+३+१ – ६ गोल

३. सुनिल बल (मछिन्द्र) – २+१+१+१+१ – ६ गोल

४. आशिष लामा (एपिएफ) – १+२+१+१ – ५ गोल

५. अजायी मार्टिन्स (सातदोबाटो) – ३+१+१ – ५ गोल

६. बिमल घर्तीमगर (मछिन्द्र)– १+२+१ – ४ गोल

७. दर्शन गुरुङ (एनआरटी) – २+२ – ४ गोल

८. नाथानिल जुडे गार्सिया (फ्रेन्ड्स) – १+१+२ – ४ गोल

९. मुताम्वा पिस्टोन (शेर्पा) – १+२+१ – ४ गोल

१०. अन्जन विष्ट (मनाङ) – २+१+१ – ४ गोल

११. मेसुके ओलुमोउ (एनआरटी) – १+२+१ – ४ गोल

१२. सुमन लामा (पुलिस) – १+१+१+१ – ४ गोल

१३. उत्तम राई (संकटा) – १+२+१ – ४ गोल

१४. जर्जप्रिन्स कार्की (आर्मी) – १+१+१+१ – ४ गोल

७ गोल गर्ने – १ जना

६ गोल गर्ने – २ जना

५ गोल गर्ने – २ जना

४ गोल गर्ने – ९ जना

३ गोल गर्ने – ९ जना

२ गोल गर्ने – १७ जना

१ गोल गर्ने – ४८ जना