default_image

3 years ago

February 22, 2022

विभागीय डर्वीमा पुलिस र एपिएफको बराबरी

94 views

0 Bookmark

काठमाडौं (हाम्रो खेलकुद) – विभागीय डर्वीमा नेपाल पुलिस क्लब र नेपाल एपिएफ फुटबल क्लबले कतार एअरवेज सहिद स्मारक ‘ए’ डिभिजन लिगमा बराबरी खेल्द अंक बाँडेका छन् । पुलिस र एपिएफले १–१ गोलको बराबरी खेलेको हो ।

पहिलो मिनेटमै पुलिसले अग्रता लिएपनि त्यसलाई जोगाउन नसक्दा पुलिस बराबरीमा रोकिन पुग्यो । खेलमा सम्हालिन नपाउँदै गोल बेहोरेपनि पहिलो हाफमा एपिएफले बराबरी गोल फर्कायन सफल भयो । पुलिसका सुमन लामाले गोल गर्दा एपिएफका प्रदीप लामाले बराबरी गोल फर्काए ।

त्रिपुरेश्वरस्थित दशरथ रंगशालामा मंगलबार भएको खेलको २३ सेकेन्डमा सुमन लामाको गोलमा पुलिसले सुरुवाती अग्रता लिन सफल भयो ।कपिल ढकालको लामो पासमा गोलरक्षक युया कुरियामा र एडमा डोम्वियाबीच तालमेल नमिल्दा गोलरक्षक अघि बढेको अवस्थामा एडमाको कमजोर क्लियरेन्सलाई सुमनले बक्स बाहिरबाट खाली पोस्टमा गा्ल गर्न सफल भएका थिए ।

पाँचौ मिनेटमा तेज तामाङको फ्रिकिकमा निर कुमार राईको प्रहार पोस्ट नजिकैबाट बाहिरियो । १६औं मिनेटमा प्रदीप लामाले डि बक्स नजिकैबाट गरेको प्रहार पोस्ट माथिबाट बाहिरिदा एपिएफ बराबरीबाट चुक्यो । २७औं मिनेट रविशंकर पासवानको प्रहारलाई गोलरक्षक युया कुरियामाले पञ्च गर्दै बचाउँदा पुलिस अग्रता दोब्बर पार्नबाट चुक्यो ।

४१औं मिनेटमा प्रदीप लामाले गोल गर्दै खेललाई १–१ गोलको बराबरीमा ल्याए । साजन राईले हेड मार्फत क्लियर गर्न नसकेको बललाई प्रदीपले बक्स बाहिरबाट गरेको प्रहारले जाली चुम्दा गोलरक्षक शत्रुघन कुमार चौधरीले रोक्ने कुनै मौका पाएन ।

५६औं मिनेटमा एपिएफ अग्रता लिनबाट चुक्यो । आशिष लामाले डिबक्स भित्र मिलाइदिएको पासमा अनमार्क रहेका अर्माड विडोउमले प्रहार नै गर्न सकेन । ७३औं मिनेटमा आशिष लामाको प्रहारलाई गोलरक्षक शत्रुघनले पञ्च गर्दै बचाउँदा एपिएफ अग्रता लिनबाट चुक्यो ।

बराबरीपछि एपिएफ १२ खेलबाट १५ अंक जोडेर आठौं स्थानमा तथा पुलिस १२ खेलबाट १२ अंक जोडेर ११औं स्थानमा यथावत रहेको छ । लिग चरणको अन्तिम खेलमा एपिएफले लिग च्याम्पियन मछिन्द्र फुटबल क्लबसँग तथा पुलिसले न्युरोड टिम (एनआरटी)सँग खेल्ने तालिका छ ।

October 31, 2024

प्रधानमन्त्री ओली सामु फुटबल खेलाडीको गुनासो

काठमाडौं (हाम्रो खेलकुद)- प्रधानमन्त्री केपी शर्मा ओलीले साफ महिला च्याम्पियनसिप फुुटबलको उपविजेता नेपाली टोलीलाई सरकारले तिहारको बिदा सकिएलगत्तै पुरस्कार दिने बताएका छन् । प्रधानमन्त्री निवास बालुवाटारमा फुुटबल टोलीका खेलाडी, अखिल नेपाल फुटबल संघ (एन्फा) का पदाधिकारीसँगको बिहीवार भएको भेटमा प्रधानमन्त्री ओलीले खेल क्षेत्रको विकास र खेलाडीलाई प्रोत्साहनमा कुनै कञ्जुस्याइँ नगर्ने भन्दै तिहारलगत्तै पुरस्कार प्रदान गर्ने […]

October 31, 2024

लिभरपुल र आर्सनलको जित

एजेन्सी – लिभरपुल र आर्सनल काराबाओ कपको क्वाटरफाइनलमा प्रवेश गरेका छन् । ब्राइटनलाई बुधवार ३-२ ले पराजित गर्दै लिभरपुल अन्तिम आठमा पुगेको हो । लिभरपुलको जितमा कोडी गाक्पोले २ गोल गरे। ४६ औं मिनेटमा गाक्पोले पहिलो गोल गरे। ६३औं मिनेटमा गाक्पोले व्याक्तिगत दोस्रो गोल थपेपछि लिभरपुलले २-० को अग्रता बनायो ।  ८१औं मिनेटमा साइमन एडिन्ग्राले […]

October 31, 2024

टोटेनहमसँग सिटी पराजित, युनाइटेड विजयी

एजेन्सी – टोटनहम र म्यानचेस्टर युनाइटेड काराबाओ कपको क्वाटरफाइनलमा पुगेका छन्। टोटेनहमसँग पराजित हुँदै म्यानचेस्टर सिटी काराबाओ कपको अन्तिम १६ बाटै बाहिरिएको छ । टोटनहम बुधवार सिटीलाई २-१ ले हराएको हो। खेलको पाचौं मिनेटमा टिमो वर्नरले गोल गर्दै टोटनहमलाई घरेलु मैदानमा अग्रता दिलाए । डेजान कुलुसेभस्कीको पासमा वर्नरले गोल गरेका हुन्। पापे माटर सरले २५औं […]

Success

Thank you for your time.