काठमाडौं (हाम्रो खेलकुद) – सातदोबाटो युथ क्लबले ब्रिगेड ब्वाइज क्लब (बिबिसी) विरुद्ध कतार एअरवेज सहिद स्मारक ‘ए’ डिभिजन लिगमा पहिलो हाफमा अग्रता लिएको छ । सातदोबाटोले पहिलो हाफमा २–१ को अग्रता लिन सफल भएको हो ।

त्रिपुरेश्वरस्थित दशरथ रंगशालामा सोमबार भएको खेलको तेस्रो मिनेटमा कप्तान मान बहादुर तामाङको क्रसमा सुशिल राईको हेडर पासमा अजायी मार्टिन्सको प्रयासलाई गोलरक्षक गुरुप्रित सिंहले दोस्रो प्रयासमा नियन्त्रणमा लिए ।

१३औं मिनेटमा सुशिल राईले गोल गर्दै सातदोबाटोलाई १–० को अग्रता दिलाए । कप्तान मान बहादुर तामाङको क्रसमा बर्टान्ड इवोडेले नभेटेको बललाई सुशिलले सहजै फिनिस गरेका थिए ।

१६औं मिनेटमा बर्टान्ड इवोडेले गोल गर्दै खेललाई १–१ गोलको बराबरीमा ल्याए । दोर्जे तामाङको फ्रिकिकमा रुडी जोनाथनको प्रहारलाई क्लियर गर्न नसकेको बललाई बर्टान्डले सहजै फिनिस गरेका थिए ।

१८औं मिनेटमा दीपक राज सिंह ठकुरीले गोल गर्दै सातदोबाटोलाई पुनः २–१ को अग्रता दिलाए । अजायी मार्टिन्सको हेड पासलाई दीपकले अफसाइड बिट ट्याप गर्दै गोलरक्षक गुरुप्रित सिंह अघि बढेको अवस्थामा खाली पोस्टमा जाली चुमाएका थिए । उनको प्रयासलाई दिवकार चौधरीले बचाउने प्रयास गरेपनि सफल हुन सकेन ।

३०औं मिनेटमा प्रशान्त तामाङको फ्रिकिकलाई गोलरक्षक अभिषेक बरालले पञ्च गर्दै बाहिर पठाउँदा बिबिसी बराबरीबाट चुक्यो ।

रेलिगेसन टार्ने सम्भावना जीवितै राख्न बिबिसीलाई जितकै खाँचो छ । सातदोबाटोसँग हार बेहारे बिबिसी रेलिगेसनमा पर्नेछ ।