काठमाडौं (हाम्रो खेलकुद)– मेसुके ओलुमोउको गोलमा न्युरोड टिम (एनआरटी) ले कतार एअरवेज सहिद स्मारक ‘ए’ डिभिजन लिगमा मनाङ–मर्स्याङदी क्लबविरुद्ध पहिलो हाफमा अग्रता लिएको छ ।

एनआरटीले मनाङविरुद्ध पहिलो हाफमा १–० को अग्रता लिन सफल भएको हो । उनले खेलको २६औं मिनेटमा गोल गर्न सफल भएका थिए ।
त्रिपुरेश्वरस्थित दशरथ रंगशालामा आइतबार भएको खेलको १५औं मिनेटमा सनम सोडेम्वा लिम्बुको प्रहारलाई गोलरक्षक अशोक बरालले मुस्किलले नियन्त्रणमा लिए ।

२६औं मिनेटमा मेसुके ओलुमोउले गोल गर्दै न्युरोड टिम (एनआरटी) लाई १–० को अग्रता दिलाए । एरिक विष्टको फ्रिकिकलाई मेसुके ओलुमोउले पेनाल्टी बक्समा पाएको अवसरलाई सदुपयोग गर्दा मनाङका गोलरक्षक अशोक बरालले कुनै प्रतिक्रिया नै जनाउन पाएन ।

३४औं मिनेटमा दीपक राईको क्रसमा कप्तान विमल रानाको हेडर पोस्ट नजिकैबाट बाहिरिदा मनाङ बराबरीबाट चुक्यो । ४२औं मिनेटमा दिनेश राजवंशीको क्रसमा विमलकै हेडरलाई गोलरक्ष कपुजन होनाले डाइभ दिदै बचाए । ४५औं मिनेटमा मेसुकेको प्रहार फ्रान्कलिन कोटेटालाई डिफ्लेक्ट हुँदै बाहिरिदा एनआरटी अग्रता दोब्बर पार्नबाट चुक्यो ।

पहिलो हाफको इन्ज्युरी समयको थप गरिएको तेस्रो मिनेटमा एडेलाजा सोमिडेको प्रहार दोस्रो बार च्याप्दै थोै बाहिरिदा मनाङ बराबरीबाट चुक्यो ।