काठमाडौं (हाम्रो खेलकुद)– खेलको अन्त्यतिर अंगुना जुनियर निर्णायक गोल गरेपछि जावलाखेल युथ क्लबले कतार एयरवेज सहिद स्मारक ए डिभिजन लिगमा आइतबार हिमालयन शेर्पा क्लबमाथि जित हासिल गरेको छ ।

त्रिपुरेश्वरस्थित दशरथ रंगशालामा २–१ ीजतसँगै जावलाखेलले रेलिगेसन खतरालाई लगभग टारेको छ । तेस्रो जितसँगै १३ अंक पुगेको जावलाखेल १० औं स्थानमा उक्लेको छ । १० अंकको नेपाल पुलिस क्लब भने ११ औं स्थानमा झरेको छ । जावलाखेलको जितले ब्रिगेड ब्वाइज क्लब, पुलिस र फ्रेन्ड्स क्लबमाथि रेलिगसेन दबाब बढेको छ । नेपाल पुलिस क्लबको पनि समान ११ अंक नै छ । अंक तालिकाको १२ औं स्थानमा रहेको फ्रेन्ड्सको १० अंक छ भने ब्रिगेड ब्वाइज क्लब (बिबिसी) को ७ अंक छ ।

६ अंक मात्र जोड्न सकेको च्यासल युथ क्लब शनिबार नै रेलिगेसनमा परिसकेको छ । पुलिस र बिबिसीले २ खेल बाँकी छ । जावलाखेल र फ्रेन्ड्ले भने अन्तिम १ खेल खेल बाँकी छ । रेलिगेसनमा पर्ने दोस्रो टोलीको टंगो लाग्न बाँकी छ ।

जुनियरले ८८ औं मिनेटमा गरेको गोल खेलको निर्णयक बनेको थियो । त्यसअघि रुपबहादुर लामाको गोलबाट जावालखेलले १५ औं मिनेटमा अग्रता लिएको थियो । रुपबहादुरको कर्नरमा सिधै गोलमा परिणत भएको थियो । हिमालयन शेर्पाका लागि अृमत श्रेष्ठले बराबरी गोल फर्काएका थिए । ७१ ऋौं मिनेटमा विशोन गुरुङको कर्नमार उर्लिच शिवेको हेडरमा आएको बललाई नियन्त्रणमा लिदै अमृतले बाइसाइकल किकमार्फत बराबरी गोल गरेका थिए । त्यसपछि दबाब बढाएको जावलाखेलले जुनियरको गोलमा महत्वपूर्ण तीन अंक जोडको छ ।

खेलको पाँचौ मिनेटमा रुप बहादुरको फ्रिकिक पोष्टको माथिबाट बाहिरिदा जावलाखेलले अग्रता लिने मौका गुमाएको थियो । १३ औँ मिनेटमा शेर्पाका कप्तान विश्वास श्रेष्ठको फ्रिकिमा उर्लिच सिवेको हेडर दोस्रो बारको नजिकैबाट बाहिरियो ।

३२ औं मिनेटमा निकोलस फर्नान्डेजको कर्नर प्रहारमा उर्लिचको हेडर पोष्टको थोरैमाथिबाट बाहिरिदा जावलाखेलले अग्रता दोब्बर बनाउने मौका गुमाएको थियो । खेलको ३७ औं मिनेटमा डिबक्स नजिकैबाट जावलाखेलका निकोलसको प्रहार शेर्पाका गोलरक्षक दिप कार्कीले सहजै बचाए । ४० औ मिनेटमा कप्तान विश्वासको फ्रिकिक प्रहार पोष्टको माथिबाट बाहिरिदा शेर्पाले बराबरीको मौका गुमाएको थियो ।