काठमाडौं (हाम्रो खेलकुद)– जावलाखेल युथ क्लबले हिमालयन शेर्पा क्लबविरुद्ध कतार एअरवेज सहिद स्मारक ए डिभिजन लिगको पहिलो हाफमा अग्रता लिएको छ । त्रिपुरेश्वरस्थित दशरथ रंगशालामा आइतबार पहिलो हाफको समाप्नीमा जावलाखेलले १–० ले अग्रता बनाएको हो ।

१५ औं मिनेटमा रुपबहादुर लामाको गोलमा जावलाखेलले अग्रता बनाएको हो । रुपबहादुरको कर्नरमा सिधै गोलमा परिणत भएको थियो । खेलको पाँचौ मिनेटमा रुप बहादुरको फ्रिकिक पोष्टको माथिबाट बाहिरिदा जावलाखेलले अग्रता लिने मौका गुमाएको थियो । १३ औँ मिनेटमा शेर्पाका कप्तान विश्वास श्रेष्ठको फ्रिकिमा उर्लिच सिवेको हेडर दोस्रो बारको नजिकैबाट बाहिरियो ।

३२ औं मिनेटमा निकोलस फर्नान्डेजको कर्नर प्रहारमा उर्लिचको हेडर पोष्टको थोरैमाथिबाट बाहिरिदा जावलाखेलले अग्रता दोब्बर बनाउने मौका गुमाएको थियो । खेलको ३७ औं मिनेटमा डिबक्स नजिकैबाट जावलाखेलका निकोलसको प्रहार शेर्पाका गोलरक्षक दिप कार्कीले सहजै बचाए । ४० औ मिनेटमा कप्तान विश्वासको फ्रिकिक प्रहार पोष्टको माथिबाट बाहिरिदा शेर्पाले बराबरीको मौका गुमाएको थियो ।

१२ औं चरणको खेल जितेको खण्डमा जावालखेलको रेलिगेसन खतरा लगभग समाप्ती हुनेछ । शेर्पा यसअघि नै ए डिभिजन सुरक्षित छ । ११ खेलमा जावलाखेलको १० अंकका साथ ११ औं स्थानमा छ । शेर्पा १३ औंका साथ नवौं स्थानमा छ ।