3 years ago
February 19, 2022
एजेन्सी – सुरुवाती अग्रता जोगाउन नसक्दा युभेन्ट्स इटालियन सिरी ‘ए’ मा टोरिनोसँग बराबरीमा रोकिएको छ । युभेन्ट्स घरेलु मैदानमा टोरिनोसँग १–१ गोलको बराबरीमा रोकिएको हो ।
एलिएन्ज स्टेडियम टोरिनोमा शुक्रबार राति भएको प्रतिस्पर्धात्मक खेलमा युभेन्ट्सका लागि म्याथ्थिज डि लेग्टले गोल गर्दा टोरिनोका एन्ड्रिय बेलोट्टीले बराबरी गोल फर्काए ।
खेलको १३औं मिनेटमा म्याथ्थिज डि लेग्टको गोलबाट युभेन्ट्सले सुरुवाती अग्रता लिएको थियो । उनले जुआन कोर्डाडोको पासमा हेडमार्फत गोल गर्न सफल भएका थिए । तर, त्यो अग्रतालाई युभेन्ट्सले जोगाउन सकेन ।
६२औं मिनेटमा एन्ड्रिय बेलोट्टीले गोल गर्दै खेललाई १–१ गोलको बराबरीमा ल्याए । उनले जोसिप ब्रेकालोको पासलाई सदुपयोग गरेका थिए । त्यसपछि थप गोल निस्कन नसक्दा खेल बराबरीमा टुंगियो ।
यो बराबरीसँगै युभेन्ट्सले तेस्रो स्थानको नेपोलीसँगको अंक दुरीलाई अझै कम गर्ने मौका गुमाउँदा चौथो स्थानमा यथावत रहेको छ । युभेन्ट्सको २६ खेलबाट ४७ अंक पुगेको छ । एक खेल कम खेलेको नेपोलीको ५३ अंक छ । टोरिनो २५ खेलबाट ३३ अंक जोडेर १०औं स्थानमा रहेको छ ।
November 1, 2024
काठमाडौं (हाम्रो खेलकुद ) – नेपाली राष्ट्रिय महिला फुटबल टोलीकी मिडफिल्डर प्रीति राईलाई ब्यागमान्डु बाई प्रियाले नगदसहित सम्मान गरेको छ । ब्यागमान्डुले आफ्नो तेस्रो वार्षिकोत्सवका अवसरमा शुक्रवार साफ महिला च्याम्पियनसिपमा उत्कृष्ट प्रदर्शन गरेकी प्रीतिलाई २५ हजार रुपैयाँ सहित सम्मान पत्र र गिफ्ट ह्याम्परदले सम्मान गरेको हो । ब्यागमान्डुकी प्रबन्ध निर्देशक प्रिया मानन्धर तथा १३औं दक्षिण […]
November 1, 2024
काठमाडौं (हाम्रो खेलकुद) – साफ महिला च्याम्पियनसिप २०२४ को फाइनलमा नेपालका लागि एकमात्र गोल गर्न सफल मिडफिल्डर अमिषा कार्कीलाई नगदसहित सम्मान गरिएको छ । एसएस फाउन्डेसनले अमिषालाई १ लाख रुपैयाँसहित शुक्रवार सम्मान गरेको हो । संस्थाका संरक्षक सोभित उप्रेती तथा अध्यक्ष मदनदास श्रेष्ठले साफ महिला च्याम्पियनसिपमा उत्कृष्ट प्रदर्शन गरेको भन्दै अमिषालाई सम्मान गरेको बताए । […]
October 31, 2024
काठमाडौं (हाम्रो खेलकुद)- प्रधानमन्त्री केपी शर्मा ओलीले साफ महिला च्याम्पियनसिप फुुटबलको उपविजेता नेपाली टोलीलाई सरकारले तिहारको बिदा सकिएलगत्तै पुरस्कार दिने बताएका छन् । प्रधानमन्त्री निवास बालुवाटारमा फुुटबल टोलीका खेलाडी, अखिल नेपाल फुटबल संघ (एन्फा) का पदाधिकारीसँगको बिहीवार भएको भेटमा प्रधानमन्त्री ओलीले खेल क्षेत्रको विकास र खेलाडीलाई प्रोत्साहनमा कुनै कञ्जुस्याइँ नगर्ने भन्दै तिहारलगत्तै पुरस्कार प्रदान गर्ने […]
