default_image

3 years ago

February 16, 2022

पुलिस र थ्री स्टारको बराबरी

205 views

0 Bookmark

काठमाडौं (हाम्रो खेलकुद) – कतार एअरवेज सहिद स्मारक ‘ए’ डिभिजन लिग अन्तरगत ११औं चरणको खेलमा रुस्लान थ्री स्टार क्लब र विभागीय नेपाल पुलिस क्लबले बराबरी खेल्दै अंक बाँडेका छन् । पुलिस र थ्री स्टारले १–१ गोलको बराबरी खेलेको हो ।

त्रिपुरेश्वरस्थित दशरथ रंगशालामा बुधबार भएको खेलमा थ्री स्टारले अग्रता जोगाउन नसक्दा बराबरीमा रोकिन बाध्य बन्यो । १८औं मिनेटमा अन्सुमाना क्रोमाहको सशक्त प्रहारलाई पुलिसका गोलरक्षक शत्रुघन कुमार चौधरीले उत्कृष्ट बचाउ गर्दा थ्री स्टार अग्रता लिनबाट चुक्यो ।

२१औं मिनेटमा ऋतिक कुमार खड्काले गोल गर्दै थ्री स्टारलाई १–० को अग्रता दिलाए । हेमन्त थापा मगरको क्रसलाई पुलिसका डिफेन्डर र गोलरक्षक शत्रुघनले क्लियर गर्न नसकेको बललाई सन्जोक राईले हेडरमात्रै मिलाईदिएको पासलाई ऋतिकले लड्दै गरेको प्रहारले पोस्टको दिशा लिएको थियो ।

दोस्रो हाफको शुरुमै जुमानु राई र भोलानाथ सिलवाल मैदान प्रवेश गरेपछि पुलिसले सुधारिएको खेल पस्कदै ५३औं मिनेटमा बराबरी गोल गर्न सफल भएका थिए । पेनाल्टी बक्सबाहिर कप्तान अशोक खवासले ह्यान्ड गरेपछि तेज तामाङको फ्रिकिकमा सुमन सुवेदीले अग्लो कदको फाइदा उठाउँदै हेडमार्फत गोल गर्न सफल भएका थिए ।

५७औं मिनेटमा ऋतिकको प्रहार सिधै गोलरक्षक शत्रुघनको हातमा पुग्यो । ६८औं मिनेटमा रवि शंकर पासवानको चिप प्रहारलाई गोलरक्षक प्रिसो उत्कृष्ट बचाउ गर्दा पुलिस अग्रता लिनबाट चुक्यो ।

यो बराबरीसँगै थ्री स्टार ११ खेलबाट १८ अंक जोडेर चौथो स्थानमा यथावत रहेको छ । पुलिस ११ अंका जोडेर १०औं स्थानमा यथावत छ ।

बुधबारै भएको पहिलो खेलमा मछिन्द्र फुटबल क्लबले सातदोबाटो युथ क्लबलाई १–० ले पराजित गदै दुई खेल बाँकी छँदै लगातार दोस्रो वर्ष लिग च्याम्पियन बनेको छ ।

April 4, 2025

जीतपुरसिमरा गोल्डकप- बिएफसी भरतपुरको जित

सुनिल गाउँले,सिमरा हनामी बिएफसी भरतपुरले जीतपुरसिमरा गोल्डकप फुटबल प्रतियोगितामा विजयी सुरुवात गरेको छ । बाराको सिमरा रंगशालामा शुक्रवार राति फ्लडलाईटमा भएको १५ औं सिमरा गोल्डकपको उद्घाटन खेलमा भरतपुरले सिरहाको सलहेश युवा क्लबलाई २–१ ले पराजित गर्दै सेमिफाइनल यात्रा तय गरेको छ । भरतपुरको जितमा विशाल योञ्जन र राज भुषालले गोल गरे । सिरहाका लागि सुशील […]

April 4, 2025

एनएसएलमा चितवनको लगातार दोस्रो जित

काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]

April 4, 2025

चितवन र बुटवल पहिलो हाफमा गोलरहित

काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ । दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन […]

Success

Thank you for your time.