एजेन्सी – युइएफए च्याम्पियन्स लिग अन्तरगत प्रि–क्वाटरफाइनलको पहिलो लेगमा आज (बुधबार) दुई खेलमा प्रतिस्पर्धा हुँदा इटालियन क्लब इन्टर मिलानले घरेलु मैदानमा इंग्लिस क्लब लिभरपुलको आतिथ्यता गर्दैछ ।

खेल इन्टरको घरेलु मैदान मिलानोमा नेपाली समयअनुसार राति १ः४५ बजेपछि हुनेछ । घरेलु मैदानमा हुने खेलमा इन्टर पहिलो लेगमा सफललता हात पार्दै दोस्रो लेगको लागि सहज बनाउने लक्ष्यमा मैदानमा उत्रनेछ ।

टोलीसँग इडेन जेको, लोउटारो मार्टिनेज, इभान पेरिसिस, हकान चलहानोग्लु, एलेक्सिस साञ्चेज, मार्सेलो ब्रोजोभिच, आर्टुरो भिडाल, डेन्जेल डमफ्रेज, स्टेफन डि भर्ज, एलेसान्द्रो बास्टोनी, मिलान स्क्रिनिएर र गोलरक्षक समिर हान्डानोभिक रहेका छन् ।

यता, पछिल्लो ९ खेलमा अपराजित रहेको लिभरपुल पनि अवे जित निकाल्दै क्वाटरफाइनलको यात्रालाई सहज बनाउने लक्ष्यमा हुनेछ । साडियो माने, मोहम्मद सलाह, डिएगो जोटा, रोबर्टाे फिर्मिनो, थियागो अलकान्तारा, फविन्हो, जोर्डन हेन्डरसन, एन्ड्रिउ रोबर्टसन, भजिैल भान डाइक, जोएल मटिप, ट्रेन्ट एलेक्सान्डर आर्नाेल्ड, लुइस डियाज, कर्टिस जोन्स र गोलरक्षक एलिसन बेकर रहेका छन् ।

यि दुई टोली २००८ पछि पहिलोपटक तथा समग्रमा पाँचौपटक आमाने–सामाने हुन लागेको हो । २००८ को प्रि–क्वाटरफाइनलको दुवै लेगमा लिभरपुलले जित निकालेको थियो । त्यसअघि १९६५ को युरोपियन कपमा प्रतिस्पर्धा गर्दा दुवै टोलीले समान एक जित निकालेका थिए ।