एजेन्सी – लन्डन क्लब चेल्सीका पुर्व मुख्य प्रशिक्षक फ्रान्क लाम्पार्ड अर्काे इंग्लिस टोली एभर्टनको मुख्य प्रशिक्षकमा नियुक्त भएका छन् । एभर्टनले चेल्सीका पुर्व प्रशिक्षक लाम्पार्डलाई मुख्य प्रशिक्षकको रुपमा नियुक्त गरेको पुष्टि गरेको छ ।

एभर्टनले लाम्पार्डलाई २ वर्ष ६ महिनाको लागि प्रशिक्षकमा नियुक्त गरेको हो । अब उनी २०२४ को जुनसम्म गुडिसन पार्कमा रहनेछ । २०२१ को जनवरीमा चेल्सीको जिम्मेवारीबाट मुक्त भएका इंग्ल्यान्डका पुर्व मिडफिल्डर लाम्पार्ड रेलिगेसन जोनमा संघर्ष गरिरहेको क्लबको राफयल बेनिटेजको उत्तराधिकारी हुन मर्सिसाइडमा आइपुगेका छन् ।

अन्तरिम प्रशिक्षक डन्कन फर्गुसन र पोर्टाेका पुर्व प्रशिक्षक भिटोर परेराको नजरमा लाम्पार्ड परेका हुन् । क्लबको ६८ वर्षको शीर्ष उडानमा लाम्पार्डको प्रशिक्षणमा टोलीले कस्तो प्रदर्शन गर्ने हो त्यो हेर्न बाँकी छ ।

लाम्पार्डले एभर्टनको प्रशिक्षक बन्न पाउनु आफ्नो लागि ठुलो सम्मान रहेको बताउँदै क्लबको जोस र महत्वाकाङ्क्षामा सक्दो मिहेनत गर्ने बताएका छन् । प्रशिक्षण करियरको चार वर्षमा लाम्पार्डको यो तेस्रो टोली हो । ४३ वर्षीय लाम्पार्डले यसअघि डर्वी काउन्टी र चेल्सीलाई प्रशिक्षण दिएका थिए ।

लाम्पार्डको बर्खास्तीपछि थोमस टुचेलले चेल्सी सम्हाल्दै टोलीलाई च्याम्पियन्स लिग जिताउन सफल भए । बेनिटेज युगपछि लाम्पार्डको आगमनले टोलीले रेलिगेसन बचाउने लक्ष्य राखेको छ । एभर्टन रेलिगेसन जोनभन्दा ४ अंकले माथि छ । टोलीले १८औं स्थानमा रहेको न्यूक्यासलसँग खेल्न बाँकी छ ।