एजेन्सी – रियल म्याड्रिडविरुद्ध दुई साता पछि हुने च्याम्पियन्स लिगको अन्तिम १६ को पहिलो लेगमा पेरिस सेन्ट जर्मेन (पिएसजी) का सर्जियो रामोस खेल्ने नखेल्नेमा शंका बढेको छ ।

पिडौलामा लागेको चोटका कारण पूर्व क्लब रियलविरुद्ध उनले खेल्नेमा शंका बढेको हो । यद्दपी आउने दिनमा उनको फिटेनसको अवस्था हेरेर खेल्ने नखेल्ने निर्णय लिइने बताइएको छ ।

चोटका कारण रामोसले प्रशिक्षण गुमाएको पिएसजीले आइतबार जानाएको छ । बिहीबारको प्रशिक्षणमा रामोसको दायाँ पिडौलामा चोट लागेको छ, साताको मध्यममा उनको चोटको अवस्थाका बारेमा जानकारी गराइनेछ, पिएसजीले विज्ञप्तीमार्फत भनेको छ ।

पिएसजीका प्रशिक्षका माउरिसियो पोचेटिनोले रामोसको बारेमा धेरै बताउने अवस्था नभएको बताएका छन् । ‘हामीलाई त्यस्तो खालेको चोटको बारेमा थहा छ । दिन दिनै हुने प्रगतिका बारेमा हेरिनेछ, उनले भने,‘ ठिक हुन कति समय लाग्छ अहिले भन्न कठिन छ । अहिले उनी प्रशिक्षणमा सामेल हुने छैनन् ।

फ्रेन्च टोलीमा अन्य खेलाडी पनि चोटग्रस्त छन् । चोटमुक्त हुने क्रममा रहेको नेयमारको फिटनेस परिक्षण हुनेछ । त्यस्तै मांशपेशीमा समस्याबाट जर्जियानो विज्नाल्डुमले केहि राहत मिलेको छ । उनी टोलीमा सामेल भएका छन् । सोमबार नाइसविरुद्ध हुने खेलमा लियोनल मेस्सी खेल्ने प्रशिक्षक पोचेटिनोले बताएका छन् ।