काठमाडौं (हाम्रो खेलकुद) – मौरिससविरुद्धको दुई मैत्रीपूर्ण खेलका लागि राष्ट्रिय फुटबल टोलीका कप्तान किरण चेम्जोङ बुधबार स्वदेश फर्केका छन् ।

त्रिभुवन अन्तर्राष्ट्रिय विमानस्थलमा किरणलाई राष्ट्रिय टोलीका व्यवस्थापक मधुसुदन उपाध्यायले स्वागत गरेका थिए । उपाध्यायका अनुसार आज आफ्नै घरमा बसेका किरणको बिहीबार पिसिआर परिक्षण गराइने र त्यसको नतिजाका आधारमा राष्ट्रिय टोलीको प्रशिक्षणमा सामेल गराइनेछ ।

माल्दिभ्समा व्यवासायिक फुटबल खेलिरहेका किरण शनिबार र मंगलबार मौरिससविरुद्ध हुने दुई मैत्रीपूर्ण खेल्नका लागि स्वदेश आएका हुन् ।
मुख्य प्रशिक्षक अब्दुल्ला अलमुताइरीले दुई मैत्रीपूर्ण खेलका लागि दुई अलग अलग टोलीको घोषणा बुधबार नै गरेका थिए ।

किरणसहित १२ खेलाडी दुवै टोलीमा छन् । किरणको कप्तानीमा नेपालले असोजमा माल्दिभ्समा सम्पन्न साफ च्याम्पियनसिपको फाइनल खेलेको थियो । साफ च्याम्पियनसिपको इतिहासमा नेपाल फाइनल पुगेको त्यो पहिलो अवसर थियो ।

दुवै टोलीमा हुने खेलाडी

गोलरक्षक – किरण चेम्जोङ

डिफेन्डर – गौतम श्रेष्ठ, दीनेश राजवंशी, देवेन्द्र तामाङ, सुमन अर्याल

मिडफिल्डर – सुरज ज्यु ठकुरी, सुमन लामा, तेज तामाङ, सुजल श्रेष्ठ

फरवार्ड – अन्जन विष्ट, आशिष लामा, विमल घर्तिमगर

पहिलो खेलको लागि घोषित टोली

गोलरक्षक – किरण चेम्जोङ, दीप कार्की, टिकेन्द्र थापा

डिफेन्डर – गौतम श्रेष्ठ, दीनेश राजवंशी, देवेन्द्र तामाङ, सुमन अर्याल

मिडफिल्डर – सुरज ज्यु ठकुरी, सुमन लामा, तेज तामाङ, सुजल श्रेष्ठ, सुदीप गुरुङ, विशाल राई, मनिष डाँगी, आकाश बुढा मगर, नितिन थापा

फरवार्ड – अन्जन विष्ट, आशिष लामा, विमल घर्तिमगर, सुनिल बल, जगजित श्रेष्ठ, कृतिश रत्न छुन्जु, दर्शन गुरुङ

दोस्रो खेलको लागि घोषित टोली

गोलरक्षक – किरण चेम्जोङ, विशाल श्रेष्ठ, सत्रुघन चौधरी

डिफेन्डर – गौतम श्रेष्ठ, दीनेश राजवंशी, देवेन्द्र तामाङ, सुमन अर्याल, नविन गुरुङ, अनन्त तामाङ

मिडफिल्डर – सुरज ज्यु ठकुरी, सुमन लामा, तेज तामाङ, सुजल श्रेष्ठ, आशिष राई, एरिक विष्ट, सन्तोष तामाङ, सुभाष गुरुङ, पुजन उपरकोटी

फरवार्ड – अन्जन विष्ट, आशिष लामा, विमल घर्तिमगर, सुशील राई, प्रशान्त अवस्थी

पहिलो खेलमा मात्र परेका खेलाडी – दीप कार्की, टिकेन्द्र थापा, सुदीप गुरुङ, विशाल राई, मनिष डाँगी, आकाश बुढा मगर, नितिन थापा, सुनिल बल, जगजित श्रेष्ठ, कृतिश रत्न छुन्जु, दर्शन गुरुङ

दोस्रो खेलमा मात्र परेका खेलाडी – विशाल श्रेष्ठ, सत्रुघन चौधरी, नविन गुरुङ, अनन्त तामाङ, आशिष राई, एरिक विष्ट, सन्तोष तामाङ, सुभाष गुरुङ, पुजन उपरकोटी, सुशील राई, प्रशान्त अवस्थी