default_image

3 years ago

January 19, 2022

अग्रता जोगाउन नसक्दा चेल्सी रोकियो

211 views

0 Bookmark

एजेन्सी – सुरुवाती अग्रता जोगाउन नसक्दा लन्डन क्लब चेल्सी इंग्लिस प्रिमियर लिगमा बराबरीमा रोकिएको छ । चेल्सी घरेलु टोली ब्राइटनसँग १–१ गोलको बराबरीमा रोकिएको हो ।

दि अमेरिकन एक्सप्रेस कम्युनिटी स्टेडियममा बुधबार राति भएको खेलमा चेल्सीका लागि हाकिम जियाचले गोल गर्दा घरेलु टोलीका एडाम वेवस्टेरले एक गोल फर्काए ।

खेलको २८औं मिनेटमा जियाचले गोल गर्दै चेल्सीलाई सुरुवाती अग्रता दिलाए । उनले एङ्गोलो कान्टेको पासमा गोल गर्न सफल भएका थिए । तर, चेल्सीले त्यो अग्रतालाई पहिलो हाफमा जोगाउन सकेन ।

६०औं मिनेटमा एडामले गोल गर्दै खेललाई १–१ गोलको बराबरीमा ल्याए । उनले एलेक्सिस म्याक एलिस्टेरको पासमा हेडमार्फत गोल गर्न सफल भएका थिए । चेल्सीले बल पोसेसन राख्दै घरेलु टोलीलाई दवावमा राखेपनि थप गोल निकाल्न नसक्दा बराबरीमा रोकिन बाध्य बन्यो ।

यो बराबरीसँगै चेल्सीले दोस्रो स्थानमा उक्लने मौकासमेत गुमाउँदा उपाधि होड थप कमजोर बनेको छ । चेल्सी २३ खेलबाट ४४ अंक जोडेर तेस्रो स्थानमा रहेको छ ।

दुई खेल कम खेलेको लिभरपुल ४५ अंक जोडेर दोस्रो स्थानमा रहँदा एक खेल कम खेलेको शीर्षस्थानको म्यानचेस्टर सिटीको ५६ अंक छ । चेल्सी शीर्षस्थानको सिटीसँग १२ अंकले पछि छ । ब्राइटन २९ अंक जोडेर नवौं स्थानमा यथावत रहेको छ ।

December 18, 2024

जुनियरले जिते फिफा द वेस्ट अवार्ड

एजेन्सी – फिफा द वेस्ट अवार्ड यो वर्ष भिनिसियस जुनियर र आइताना बोनमतीले जितेका छन् । विश्व फुटबल महासंघ (फिफा)ले प्रदान गर्ने अर्वाड कतारमा मंगलबार राति आयोजना भएको थियो।ब्राजिल तथा स्पेनिस क्लब रियल म्याड्रिडका भिनिसियसलाई पुरुषतर्फ र स्पेन तथा बार्सिलोनाकी बोनमतीलाई महिलातर्फ उत्कृष्ट वर्ष फूटबलर २०२४ घोषित भएका हुन्। मिडफिल्डर बोनमतीले लगातार दोस्रो वर्ष फिफा […]

December 17, 2024

राष्ट्रिय जागृति झापा कपको सेमिफाइनलमा

हिमाल खरेल,बिर्तामोड गोलरक्षक निरज चौधरी नायक बन्दा इटहरीको राष्ट्रिय जागृति क्लब झापाको बिर्तामोडमा जारी झापा कपको सेमिफाइनलमा प्रवेश गरेको छ । टाइब्रेकरमा भारतको जिटिए दार्जिलिङलाई ४-२ ले हराउँदै जागृति अघिल्लो चरणमा प्रवेश गरेको हो । टाइब्रेकरमा जागृतिका प्रवेश दनुवार, सविन घिमिरे, योगेन्द्र कार्की र विदेशी खेलाडी नाम्दी इबोसीले गोल गरे भने निशान लिम्बुको प्रहार बारमा […]

December 17, 2024

फाल्गुनन्द गोल्डकप- उद्घाटन खेल आयोजक‌ र करसाङबीच हुने

दिपक बोहोरा,पाँचथर पाँचथर सदरमुकाम फिदिममा शनिवार सुरु हुने ११ औं फाल्गुनन्द गोल्डकपको खेल तालिका सार्वजनिक गरिएको छ । आयोजक फिदिम स्पोर्टिङ क्लबले सामाजिक सञ्जाल मार्फत गोल्डकपको खेलतालिका सार्वजिक गरेका हुन् । उद्घाटन खेलमा आयोजक फिदिम स्पोर्टिङ क्लबले पाहुना टोली करसाङ एफसी भारतसँग प्रतिस्पर्धा गर्नेछ ।मच्छिन्द्र एफसी र झापा ११ फुटबल क्लबबीच पुस ७ गते दोस्रो […]

Success

Thank you for your time.