लन्डन (एजेन्सी) – च्याम्पियन्स लिगको समूह चरणमा आर्सनल र पेरिस सेन्ट जर्मनी (पिएसजी)ले २–२ बराबरी खेलेका छन् भने अर्को समूहमा पाँच पटकको विजेता रहि  सकेको बायर्न म्युनिख एफसी रोस्तोभसँग ३–२ ले स्तब्ध भएको छ ।

बराबरीपछि समूह एबाट आर्सनल र पिएसजी दुवै नकआउछ चरणमा प्रवेश गरेका छन् । ५ खेलबाट समान ११ अंक भएपनि पिएसजी शीर्षस्थानमा र आर्सनल दोस्रो स्थानमा छ । इन्डिन्सन काभानीको गोलमा फ्रेन्च क्लबले १८ औं मिनेटमा अग्रता लिएको थियो भने आर्सलनका पहिलो हाफको इन्जुरी समयमा ओभिर जिर्राउडले पेनाल्टी गोलमार्फत खेललाई बराबरीमा ल्याएका थिए । दोस्रो हाफमा दुवै टोलीका खेलाडीले आत्मघाती गोल गरेपछि खेल बराबरीमा टुंगियो । मार्को भेराटीले ६० औं मिनेटमा आत्मघाती गोल गर्दा आर्सनलले अग्रता लियो भने ७७ मिनेटमा एलक्स इयोबीले आत्मघाती गोल गर्दा पुनः खेल बराबरीमा पुगेको थियो । समूह एकै अर्को खेलमा लुडोगोरेट्स राजागार्ड र बासेलले गोलरहित बराबरी खेलेका थिए ।
समूह डीमा रोस्तोभ बायर्नलार्य हराउने पहिलो रुसी क्लब बनेको छ । ६७ औं मिनेटमा क्रिस्टियन नोबाअले गरेको गोलमा रोस्तोभ विजयीभ एको थियो । बार्यनले ३५ औं मिनेटमा डग्लस कोस्टाको गोलबाट लिएको अग्रता जोगाउन सकेन । ४४ औं मिनेटमा सेरडार अजमोनले बराबरी गोल फर्काए । ५० औं मिनेटमा डिमिट्री पोलोजको गोलबाट रोस्तोभले अग्रता बनायो भने ५२ औं मिनेटमा बायर्नका हुवान बेर्नाटले बराबरी गोल फर्काए । समूह डीको अर्को गोलमा एट्लेटिको मड्रिडले पिएसभी आइन्डहोभनलाई २–० ले हराएपछि बायर्न नकआउट चरणमा प्रवेश गरेको छ । एट्लेटिको १५ अंकसहित समूहको विजेता र ९ अंक जोडेको बायर्न उपविजेताका अघि बढ्को हुन् ।
समूह बीमा बेसिकटास र बेन्फिकाले ३–३ को बराबरी र नापोली र डाइनोमो किभले गोलरहित बराबरी खेले । समूहको अन्तिम खेल बाकी रहँदा नापोली र बेनफिकाको समान ८ अंक छ भने बेसिकटासको ७ र किभको २ अंक छ ।