काठमाडौं (हाम्रो खेलकुद) – बुद्ध युथ क्लब (बिवाइसी) लमजुङमा जारी जिल्लाकै सर्वाधिक धनराशिको २९औं संस्करणको त्रिवेणी कप राष्ट्रव्यापी फुटवल प्रतियोगिताको क्वाटरफाइनलमा प्रवेश गरेको छ ।

लमजुङ सदरमुकाम बेंसीशहरस्थित सहजी खेल मैदानमा बिहीबार भएको प्रि–क्वाटरफाइनलमा घन पोखरा युवा क्लबमाथि ५–० को फरािकिलो जित निकाल्दै बिवाइसीले अन्तिम आठमा स्थान पक्का गरेको हो ।

बिवाइसीको जितमा विदेशी खेलाडी फकुल्ने एवायोनलिे ह्याट्रिक पुरा गरे । सुनिल श्रेष्ठ र सन्दिप राना मगरले समान एक गोल गरे । खेलको २५औं मिनेटमा एवायोनीले गोल गर्दै बिवाइसीलाई सुरुवाती अग्रता दिलाए । ३०औं मिनेटमा सुनिलले गोल गर्दै बिवाइसीको अग्रता दोब्बर पारे ।

४०औं मिनेटमा एवायोनीले व्यक्तिगत दोस्रो तथा टोलीका लागि तेस्रो गोल गरेपछि बिवाइसीले पहिलो हाफमा ३–० को आरामदायी अग्रता लिन सफल भयो । ४६औं मिनेटमा सन्दिपले गोल गर्दै बिवाइसीलाई ४–० ले अघि बढाए । ७६औं मिनेटमा एवायोनीले ह्याट्रिक पुरा गर्दै बिवाइसीलाई फराकिलो जित दिलाए ।

अर्काे खेलमा बेशीशहर युथ सोसाइटीले अन्नपुर्ण युथ क्लब ताचेलाई ३–० ले राजित गरेको छ । बेशीशहरको जितमा मनोज गुरुङ, दिपेश श्रेष्ठ र ध्रम राज पौडेलले गोल गरे ।

२३ पुसबाट सुरु भएको प्रतियोगितामा यसअद्धि आयोजक त्रिवेणी युवा क्लब र कालिका स्पोर्ट्स एकेडेमीले जित निकाल्दै अघिल्लो चरणमा प्रवेश गरेका छन् । वर्षाका कारण बुधबारको खेल स्थगित भएको थियो । उक्त मितिको खेलको तालिका सार्वजसनक गरिएको छैन ।

प्रतियोगितामा लमजुङ, काठमाडौ, पोखरा, चितवन, तनहुँलगायत जिल्लाबाट गरी १८ टिमको सहभागिता रहेको छ । त्रिवेणी रंगशालामा १ हजार २ सय जना दर्शक क्षमताको प्याराफिट निर्माण गरिएको छ । प्याराफिटमा बसेर खेल अवलोकन गनए ५० रुपैयाँ शुल्क लिने आयोजकले जनाएको छ । कोरोना संक्रमण जोखिमका कारण गतबर्ष त्रिवेणी कप स्थगित भएको थियो ।

यसबर्षको त्रिवेणी कपको विजेताले ५ लाख, त्रिवेणी कप र स्वर्ण पदक प्राप्त गर्नेछ । उपविजेताले ३ लाख र रजत पदक पाउनेछ । सेमिफाइनल पराजित हुने दुई टोलीले समान ५०–५० रुपैया प्रदान गरिने आयोजकले जनाएको छ । सर्वाधिक गोलकर्ता र सर्वोत्कृष्ट खेलाडीले जनही १५–१५ हजार रुपैयाँ प्रदान गरिनेछ । त्रिवेणी कप २० पुससम्म सञ्चालन हुनेछ ।