काठमाडौं (हाम्रो खेलकुद)– कतार एअरवेज सहिद स्मारक ए डिभिजन लिगअन्तर्गत अबका तीन चरण निकै रोचक हुनेछन् । कारण सातौं चरणको समाप्तीमा एएफसी क्लब लाइसेन्स प्राप्त ४ टोलीमध्ये शीर्षस्थानमा रहने टोलीले एएफसी कपको छनोट चरण खेल्ने टुंगो लाग्नेछ ।

लाइसेन्स प्राप्त ४ मध्ये ३ टोली मच्छिन्द्र फुटबल क्लब, मनाङ मस्र्याङ्दी क्लब र त्रिभुवन आर्मी फुटबल क्लब लिगको चौथो चरणको समाप्तीमा अंक तालिकाको शीर्षस्थानमा रहेका छन् । जसमा समान १० अंकसहित मच्छिन्द्र शीर्षस्थान र मनाङ दोस्रो स्थानमा छ भने आर्मी तेस्रो स्थानमा छ ।

अर्को लाइसेन्स प्राप्त टोली एपिएफ फुटबल क्लब भने १ अंकसहित पुछारमा रहेको छ । एपिएफका लागि एएफसी कप छनोट भन्दा पनि रेलिगेसनबाट उम्कने प्रयास नै ठूलो हुनेछ । त्यसैले अबका ३ चरण मछिन्द्र, मनाङ र आर्मीले खेल्ने खेल र त्यसको नतिजाले लिगलाई थप रोमाञ्चक बनाउनेछ ।

अझ शीर्ष टोली टोली मछिन्द्र र मनाङबीच छैटौं चरणमा पुस १० प्रतिस्पर्धा हुँदैछ । सम्भवतः त्यहि खेलले एएफसी कप छनोट खेल्ने टोलीको टुंगो लाग्न सक्छ । त्यसअघि पाँचौं चरणअन्तर्गत आर्मीले पुस २ गते सातदोबाटोको सामना गर्ने छ भने सोही दिन मछिन्द्रले संकटासँग प्रतिस्पर्धा गर्नेछ । मनाङले पुस ३ गते नेपाल पुलिस क्लबसँग पोखरा रंगशालामा लिग खेल्नेछ ।

छैटौं चरणमा पुस ११ गते आर्मीले थ्री स्टारको सामना गर्नुपर्नेछ । त्यस्तै सातौं चरणमा पुस १६ गते आर्मीले एपिएफसँग प्रतिपर्धा गर्नेछ । सोही चरणमा पुस १७ गते मनाङले पुरोमा बिबिसीको सामना गर्नेछ । यता काठमाडौंमा पुस १८ गते मछिन्द्रले पुलिसको चुनौतीको सामना गर्नुपर्नेछ ।

एन्फाले ९ चरणको खेल तालिका सोमबार सार्वजनिक गरेको थियो । त्यसमध्ये मनाङले खेल्ने ३ खेल पोखरामा हुनेछन् भने बाँकी सबै खेल दशरथ रंगशालामा हुनेछन् । मनाङले आठौं चरणको खेल पुस २४ गते च्यासलसँग पोखरामा नै खेल्नेछ ।

लिगमा चौथो चरणको समाप्तीमा चौथो स्थानमा रहेको संकटाको ८, पाँचौं स्थानको सातदोबाटोको ७, छैटौंमा रहेको थ्री स्टार क्लब, सातौंमा रहेको बिबिसी, आठौंमा रहेको पुलिस र नवौंमा रहेको एनआरटीको समान ५ अंक छ ।

१० औं स्थानको च्यासलको ४ अंक छ भने ११ औं स्थानको फ्रेन्ड्स र १२ औं स्थानको हिमालयन शेर्पाको समान २ अंक छ । १३ औं स्थानको जावलाखेल र पुछारको एपिएफको समान १ अंक छ । चौथो चरणमा जावलाखेल र एपिएफले अंक जोडेको थिए ।

लाइसेन्स प्राप्त ४ टोलीका आगामी ३ खेल

मच्छिन्द्रको खेल

पुस २ गते विरुद्ध संकटा ४:४५ बजे दशरथ रंगशाला

पुस १० गते विरुद्ध मनाङ ४:४५ बजे दशरथ रंगशाला

पुस १८ गते विरुद्ध पुलिस ४:४५ बजे दशरथ रंगशाला

मनाङको खेल

पुस ३ गते विरुद्ध पुलिस २:०० बजे पोखरा रंगशाला

पुस १० गते विरुद्ध मच्छिन्द्र ४:४५ बजे दशरथ रंगशाला

पुस १७ गते विरुद्ध बिबिसी २:०० बजे पोखरा रंगशाला

आर्मीको खेल

पुस २ गते विरुद्ध सातदोबाटो १:०० बजे दशरथ रंगशाला

पुस ११ गते विरुद्ध थ्री स्टार ४:४५ बजे दशरथ रंगशाला

पुस १६ गते विरुद्ध एपिएफ १:०० बजे दशरथ रंगशाला

एपिएफको खेल

पुस ५ गते विरुद्ध फ्रेन्ड्स १:०० बजे दशरथ रंगशाला

पुस ९ गते विरुद्ध एनआरी १:०० बजे दशरथ रंगशाला

पुस १६ गते विरुद्ध आर्मी १:०० बजे दशरथ रंगशाला

कतार एअरवेज सहिद स्मारक ए डिजिभन लिगको पाँचौंदेखि नवौं चरणसम्मको खेल तालिका