काठमाडौं (हाम्रो खेलकुद) – घरेलु टोली बंगलादेशसँग शनिबार खेल्दै नेपाली फुटबल टोलीले साफ यू–१९ महिला च्याम्पियनसिपको यात्रा सुरु गर्दैछ । नेपाल र बंगलादेशबीचको खेल ढाकास्थित वीरश्रेष्ठ सहिद सिफाली मुस्तफा कमल रंगशालामा साँझ ७ बजे सुरु हुनेछ ।

नेपाली टोलीका प्रशिक्षक हरिओम श्रेष्ठले घरेलु मैदान भएकाले बंगलादेशलाई फाइदा भएपनि आफूहरु राम्रो प्रदर्शनका लागि तयार रहेको बताएका छन् । शनिबार नै भुटान र श्रीलंकाबीच पहिलो खेल हुनेछ । खेल दिउँसो ३ बजे सुरु हुनेछ ।

दक्षिण एसियाका ५ देशको सहभागिता रहेको च्याम्पियनसिप राउन्ड रोविनका आधारमा हुनेछ । राउन्ड रोविन पछि शीर्ष २ टोलीले पुस ७ गते उपाधिका लागि खेल्नेछन् । नेपालले मंसिर २९ गते श्रीलंका, पुष २ गते भुटान र पुष ४ गते भारतसँग प्रतिस्पर्धा गर्नेछ ।

नेपाली महिला (यू–१९) २३ सदस्यीय टोली

अन्जना राना मगर, सावित्री किसान, अंकिता राई, सलोनी रानामगर, सविना चौधरी, मन्जु कुमारी खड्का, हिमा रावत, प्रतीक्षा चौधरी, सुष्मा तामाङ, रोजिना श्रेष्ठ, रजनी थोकर, विमला विक, रश्मिकुमारी घिसिङ, सदिपा भोलान, चन्द्रा भण्डारी, खुस्मा राई, दिपा शाही, कुसुम खतिवडा, सविता रानामगर, सरस्वती हमाल, प्रिती राई, अमिषा कार्की, मेनुका कुमारी आलेमगर