एजेन्सी – युइएफए च्याम्पियन्स लिगको समूह चरणको अन्तिम खेलमा जर्मन क्लब बायर्न म्युनिख र क्याटलान क्लब बार्सिलोनाबीच प्रतिस्पर्धा हुदैछ । खेल बायर्नको घरेलु मैदान एलिएन्ज एरिनामा नेपाली समयअनुसार राति १ः४५ बजे हुनेछ ।

च्याम्पियन्स लिगको नकआउट चरणमा स्थान पक्का गरिसकेको बायर्न घरेलु मैदानमा बार्सिलोनालाई हराउँदै समूह चरणमा शतप्रतिशत जित निकाल्ने योजनामा मैदान उत्रनेछ ।

टोलीसँग लयमा रहेका फरवार्ड रोबर्ट लेवान्डोस्की, किङ्सले कोमान, थोमस मुलर, लिरोए साने, बेन्जामिन पाभर्ड र गोलरक्षक तथा कप्तान म्यानुयल नुयरको साथ रहेको छ ।

यता, बार्सिलोना पनि घरेलु टोली बायर्नलाई पराजित गर्दै अघिल्लो चरणको यात्रा सुरक्षित गर्न चहान्छ । बार्सिलोनालाई भने समूह चरण पार गर्न यो खेलमा जितको आवश्यकता छ । यो खेलमा जित निकाल्न नसकेको अवस्थामा बार्सिलोनालाई समूह चरण पार गर्न कठिन हुने देखिन्छ ।

सोही समयमा अर्काे खेलको नतिजाले पनि बार्सिलोनाको अघिल्लो चरणको यात्रा निर्धारण गर्नेछ । बार्सिलोनाले बराबरी या हारको नतिजा निकालेको अवस्थामा अर्काे खेलमा बेन्फिकाले पनि बराबरी अथवा हारकै नतिजा निकाले बार्सिलोना समूह उपविजेता बन्दै अघिल्ला चरण प्रवेश गर्ने छ ।
यि दुई टोलीको पछिल्लो ८ भेटमा बायर्न ६ खेलमा तथा बार्सिलोना दुई खेलाम विजयी भएको छ । पछिल्लो तीन भेटा बार्सिलोनाले बायर्नलाई हराउन सकेको छैन । बायर्न सोही लयलाई निरन्तरता दिने दाउमा रहँदा बार्सिलोना उक्त हारको श्रृंखला तोड्ने लक्ष्यमा हुनेछ ।

अन्य खेल

समुह ‘एच’ – युभेन्ट्सविरुद्ध माल्मो (राति ११ः३० बजे) र जेनिथविरुद्ध चेल्सी (राति ११ः३० बजे)

समूह ‘ईं’ – बायर्नविरुद्ध बार्सिलोना (राति १ः४५ बजे) र बेन्फिकाविरुद्ध डेनामो किएभ (राति १ः४५ बजे)

समुह ‘एफ’ – एटलान्टाविरुद्ध भिल्लारियल (राति १ः४५ बजे) र म्यानचेस्टर युनाइटेडविरुद्ध योङ ब्वाइज (राति १ः४५ बजे)

समुह ‘जी’ – साल्जवर्गविरुछ सेभिया (राति १ः४५ बजे) र वल्फ्सवर्गविरुद्ध लिल (राति १ः४५ बजे)