एजेन्सी – पोर्चुगिज क्लब एफसी पोर्टाेमामाथि सहज जित निकाल्दै स्पेनिस क्लब एट्लेटिको म्याड्रिड युइएफए च्याम्पियन्स लिगको नकआउट चरणमा पुग्न सफल भएको छ ।

१० खेलाडीमा समेटिएको एट्लेटिकोले ९ खेलाडीमा समेटिएको घरेलु टोली पोर्टाेलाई ३–१ ले परापजत गर्दै समूह ‘बी’ बाट उपविजेताको रुपमा प्रि–क्वाटरफाइनलमा स्थान पक्का गरेको हो । एट्लेटिकोको जितमा एन्टोइन ग्रिजमन, एन्जल कोरेआ र रोड्रिगो डि पउलले गोल गरे । पोर्टाेका सर्जियो ओलिभेइराले एक गोल फर्काए ।

पोर्टाेमा मंगलबार राति भएको प्रतिस्पर्धात्मक खेलको पहिलो हाफ गोलरहित बराबरीमा सकिएको थियो । ५६औं मिनेटमा एन्टोइन ग्रिजमनले गोल गर्दै एट्लेटिकोलाई १–० को अग्रता दिलाए । उनले थोमस लेमारको पासमा गोल गरेका थिए । ६७औं मिनेटमा यान्निक कारास्को सिधै रातो कार्ड खाँदै मैदानबाट बाहिरिएपछि एट्लेटिको १० खेलाडीमा समेटिन पुग्यो ।

७०औं मिनेटमा वेन्डेल र ७५औं मिनेटमा अगस्टिन मर्चेसिन सिधै रातो कार्ड खाँदै मैदानबाट बाहिरिएपछि घरेलु टोली दवावमा पर्दा त्यसको फाइदा एट्लेटिकोले उठाउन सफल भयो ।

इन्ज्युरी समयको थप गरिएको पहिलो मिनेटमा ग्रिजमनको पासमा एन्जल कोरेआले गोल गर्दै एट्लेटिकोको अग्रता दोब्बर पारे । त्यसको एक मिनेटपछि रोड्रिगो डि पउलले गोल गर्दै एट्लेटिकोको जित पक्का गरे । इन्ज्युरी समयको थप गरिएको छैटौं मिनेटमा सर्जियो ओलिभेइराले गोल गरेपनि घरेलु टोलीको हार टरेन ।

यो जितसँगै एट्लेटिको समूहमा ६ खेलबाट ७ अंक जोडेर दोस्रो स्थानमा रह्यो । पराजित पोर्टाे तेस्रो स्थानमा रहँदा एसी मिलान ४ अंक जोडेर पुछारमा रह्यो । लिभरपुल शतप्रतिशज जितसहित १८ अंक जोडेर शीर्षस्थानमा रह्यो ।

मंगलबार राति नै भएको खेलमा इंग्लिस क्लब लिभरपुलले इटासलयन क्लब एसी मिलानलाई २–१ ले पराजित गरेको छ । लिभरपुलको जितमा मोहम्मद सलाह र डिभोक ओरिगीले गोल गरे । मिलानका फिकायो टोमोरीले एक गोल फर्काए ।