3 years ago
December 2, 2021
काठमाडौं (हाम्रो खेलकुद)– नेपालमा रहेका १० मध्ये ९ पुरुष फिफा रेफ्रीहरुले अखिल नेपाल फुटबल संघ (एन्फा) समक्ष सामूहिक राजीनामा बुझाएका छन् ।
कतार एअरवेज सहिद स्मारक ए डिभिजन लिग चल्दै गर्दा रेफ्रीहरुलाई फिटनेस टेष्ट लिनुपर्ने एन्फाले बाध्यकारी दबाब दिएपछि रेफ्रीहरु सामूहिक राजीनामा दिएका छन् । उनीहरुले एन्फा कम्प्लेक्स पुगेर महासचिव इन्द्रमान तुलाधरलाई राजीनामा बुझाएका थिए ।
पछिल्लो पटक सेप्टेम्बर २३ मा फिटनेस टेष्ट दिएका रेफ्रीहरुलाई डिसेम्बर २३ अर्को टेष्ट दिन एन्फाले निर्देशन दिएको थियो । रेफ्रीले लिग चल्दा चल्दै टेस्ट दिन नसकिने र गर्नैपर्ने भए लिग रोकेर तयारीको समय दिनुपर्ने माग राखेका छन् । आफूहरुले माग राख्दा एन्फा नेतृत्व त्यसका लागि तयार नभएकोले राजीनामा दिएको एक रेफ्री जानकारी दिए ।
यसअघिका वर्षहरुमा वर्षको एकपटक फिटनेस टेष्ट गरिदै आएकोमा यसपटक भारतीय गौतम कौरलाई रेफ्री निर्देशकमा नियुक्ती गरेपछि रेफ्री माथि दबाब बढाइएको देखिएको छ । ‘हाम्रो निवेदन पनि नहेरी एन्फा अध्यक्ष ज्यूले हामी माथि गुटबन्दी गरेको , राजनीति गरेको आरोप लगाउनु भयो । जबकी हामीले आफ्नो समस्या लिएर गएका थियौं’, उनले भने,‘ हाम्रो आत्मसम्मानमा ठेस पुग्ने गरि एन्फाबाट व्यवहार भएपछि राजीनामा दिनुको विकल्प हामीसँग भएन ।’
कौर साढे तीन महिना अघि एन्फाको रेफ्री निर्देशकको भूमिकामा नियुक्त भएका थिए । तर उनको नियुक्ति नै पनि विवादरहित हुन सकेन । रेफ्री निर्देशक माग गर्दा कौरलाई लक्षित गर्दै म्याच कमिस्नर भएको हुनुपर्ने लगायत मापदण्ड राखेपछि अन्य अन्तर्राष्ट्रिय आवेदकको लागि बाटो बन्द भएको थियो । कौरले नेपाल आएदेखि नै आफ्नो कार्यक्षेत्र बाहिर गएर एन्फामा अनावश्यक दबाब दिँदै आएका थिए । राजधानीमा जारी लिग दौरान पनि म्याच संचालनका क्रममा उनको अनावश्यक हस्तक्षेप रहँदै आएको छ ।
‘यस्तो व्यवहार नदोहोरिने आश्वस्त पारेको खण्डमा हामी आफ्नो काम गर्न तयार छौं’, ती रेफ्रीले भने, ‘यस्तै अवस्थामा काम गर्न सकिने अवस्था भएन ।’ नेपालमा रहेका ४ फिफा रेफ्रीमध्ये ३ र ६ सहायक रेफ्रीले सामुहिक रेफ्रीले राजीनामा दिएका छन् । काठमाडौंमा नरहेका फिफा सहायक रेफ्रीमध्ये युनाल मल्लले भने मौखिक सहमति दिएको बताइएको छ ।
फिफा रेफ्री :
नविन्द्र महर्जन
प्रकाशनाथ श्रेष्ठ
प्रज्वल क्षेत्री
फिफा असिस्टेन्ट रेफ्री :
नानीराम थापा
विक्रम चौधरी
किशन यादव
युनाल मल्ल
माधव खत्री
सहदेव श्रेष्ठ
December 16, 2024
हिमाल खरेल,बिर्तामोड उपाधिको दाबेदार मध्ये त्रिभुवन आर्मी फुटबल क्लब झापाको बिर्तामोडमा जारी प्रथम झापा कपको क्वार्टर फाइनल खेलबाटै बाहिरिएको छ । सिरहाको सलहेश युवा क्लबसँग २-० ले पराजित हुँदै आर्मी खेलबाट बाहिरिएको हो । झापामा हुने प्रतियोगितामा पहिलोपटक सहभागिता जनाएको सलहेश आर्मीलाई पराजित गर्दै सेमिफाइनलमा पुगेको हो । सलहेशको जितमा अभि लामा र आदित्य शाक्यले […]
December 16, 2024
दिपक बोहोरा,पाँचथर पाँचथर गोल्डकपको पाँचौ संस्करण फागुनमा हुने भएको छ । आयोजक पाँचथर क्लबले आइतवार पत्रकार सम्मेलन गर्दै एक विदेशीसहित ८ टोलीको सहभागितामा फिदिम माविको खेलमैदानमा प्रतियोगिता हुने जानकारी दिएको छ। फागुनमा प्रतियोगिता हुने भने पनि मिति भने पछि तय हुने बताइएको छ । सहभागी टोलीको लाग्न केहि समय लाग्ने आयोजक क्लबका अध्यक्ष कमल तुम्रोकले […]
December 16, 2024
एजेन्सी- स्पेनिस ला लिगामा शीर्षस्थानको बार्सिलोनाले अंक दूरी बढाउने मौका चुकाएको छ। बार्सिलोना आइतबार घरेलु मैदानमा लेगानेससँग १-० ले पराजित भएको हो । चौथो मिनेट मै सर्जियो गोन्जालेजले गरेको गोल बार्सिलोनालाई हराउन पर्याप्त बन्यो । अर्को खेलमा एट्लेटिको मड्रिड विजयी हुँदै दोस्रो स्थानमा उक्लिएको छ । घरेलु मैदानमा गेटाफेलाई १-० ले हराउँदै एट्लेटिको रियल म्याड्रिडलाई […]
