एजेन्सी – युइएफए च्याम्पियन्स लिगमा आज (बुधबार) राति स्पेनिस क्लब रियल म्याड्रिडले मोल्दोभाको एफसी सेरिफको सामना गर्दैछ ।

खेल सेरिफको मैदानमा राति १ः४५ बजे हुनेछ । सेरिफविरुद्ध मैदानमा उत्रदा रियल म्याड्रिड सचेत हुनेछ । किनकि रियल म्याड्रिड घरमै सेरिफसँग २–१ ले स्तब्ध बनेको थियो । रियल उक्त हारको बदला लिदै च्याम्पियन्स लिगको नकआउट चरणमा पुग्ने लक्ष्यमा हुनेछ ।

सेरिफलाई हराउन सके रियलले प्रि–क्वाटरफाइनलमा स्थान पक्का गर्नेछ । बराबरी या हारले समूह चरणको अन्तिम चरणको खेल कुर्नुपर्ने हुन सक्छ ।

टोलीसँग करिम बेन्जेमा, लयमा रहेका भिनिसियस जुनियर, लुकास भास्क्वेज, टोनी क्रुस, क्यासमिरो, लुका मोड्रिच, फर्लान्ड मेन्डी, डेभिड अलाबा, इडर मिलिसाओ, ड्यानी कार्भाजल र गोलरक्षक थिवाउट कोर्टुवा रहेका छन् । यस्तै नाँचो फर्नान्डेस, मार्काे एसेन्सियो, रोड्रिगो, इस्को, इडुआर्डाे कामाभिंगा र लुका जोभिक टोलीमा रहेका छन् ।

यता, सेरिफ घरेलु मैदानमा रियललाई स्तब्ध पार्दै नकआउट चरण पुग्ने सम्भावनालाई जीविर्त राख्न चहान्छ । टोलीसँग कास्टानेडा, फिलिपे, कोलोभोस, ट्राओरे, थिल, एडो, क्रिस्टियानो, डुलान्टो, अर्वाेलेडा र गोलरक्षक एथानासियाडिस रहेका छन् ।

यही समूह ‘डी’ को अर्काे खेलमा इटालियन क्लब इन्टर मिलान र युक्रेनी क्लब साख्तर डोनेस्कबीच राति ११ः३० बजे प्रतिस्पर्धा हुदैछ । इन्टर मिलानलाई नकआउट चरण पुग्न जितको खाँचो छ । साख्तर नकआउट पुग्ने समिकरणबाट बाहिर छ ।

अन्य खेल

बेसिक्टासविरुद्ध आयाक्स (राति ११ः३० बजे)

इन्टर मिलानविरुद्ध साख्तर डोनेस्क (राति ११ः३० बजे)

स्पोर्टिङ सिपीविरुद्ध बोरुसिया डर्टमुन्ड (राति १ः४५ बजे)

म्यानचेस्टर सिटीविरुद्ध पीएसजी (राति १ः४५ बजे)

एट्लेटिको म्याड्रिडविरुद्ध एसी मिलान (राति १ः४५ बजे)

लिभरपुलविरुद्ध पोर्टो (राति १ः४५ बजे)

क्लब बु्रगविरुद्ध आरबी लाइप्जिग (राति १ः४५ बजे)

सेरिफविरुद्ध रियाल म्याड्रिड (राति १ः४५ बजे)