default_image

3 years ago

November 15, 2021

विश्वकप पुग्न पोर्चुगलको प्लेअफ यात्रा यस्तो

107 views

0 Bookmark

एजेन्सी – फिफा विश्वकप २०२२ कतार अन्तर्गत छनोट चरणको समूहमा दोस्रो स्थानमा आएपछि पोर्चुगलले सिधै विश्वकपमा छनोट हुन सकेन । सर्बियासँग अन्तिम खेलमा पराजित भएपछि अब पोर्चुगलले प्लेअफ चरणबाट विश्वकपमा स्थान बनाउन प्रतिस्पर्धा गर्नेछ ।

यसपटक देखि युरोपेली राष्ट्रहरुबाट प्लेअफमार्फत छनोट हुने प्रक्रिया परिवर्तन भएको छ । विगतमा दुई लेगमा हुने खेलहरु यसपटक भने सेमिफाइनल र फाइनल गरेर दुई चरणको १-१ खेलमा विभाजन गरिएको छ । प्लेअफ अन्तर्गतका खेलहरु अर्को वर्ष मार्च महिनामा हुनेछन् ।

पोर्चुगलसँगै अन्य समूहका दोस्रो स्थान हासिल गर्ने १० टोली र नेसन्स लिगको वरीयता अनुसार २ टोलीले प्लेअफमा खेल्नेछन् । प्लेअफको ड्र नोभेम्बर २६ मा हुनेछ । प्लेअफ चरणबाट तीन टोलीले विश्वकपमा स्थान बनाउनेछन् । ड्र मार्फत १२ टोलीलाई विभिन्न तीन समूहमा राखिनेछ । पोर्चुगलले अब दुई खेल जिते विश्वकपमा छनोट हुनेछ ।

पोर्चुगलसँगै स्विडेनले पनि प्लेअफ चरण खेल्ने पक्का भइसकेको छ । यस्तै स्कटल्यान्ड, नर्थ म्यासेडोनिया र रुसले पनि प्लेअफमा स्थान पक्का गरेका छन् । अन्य समूहको दोस्रो स्थानको छिनोफानो हुन भने केहि दिन लाग्नेछ ।

अहिलेको अवस्थामा वेल्स, फिनल्यान्ड, टर्की, पोल्यान्ड र स्विटजरल्यान्ड दोस्रो स्थानमा छन् । नतिजा आफू अनुकुल नआएको खण्डमा नेदरल्यान्ड्स र इटाली पनि प्लेअफमा झर्ने सम्भावना छ । नेसन्स लिगको वरीयताबाट अहिलेको अवस्थामा अष्ट्रिया र चेक रिपब्लिक भने अघि बढ्ने समीकरण छ ।

फिफा विश्वकप २०२२ कतार नोभेम्बर २१ देखि डिसेम्बर २१ सम्म हुनेछ । विश्वकपकै लागि भनेर क्लब फुटबल नोभेम्बर १२ देखि रोकिनेछन् । डिसेम्बर २६ बाट सिजन सुचारु हुनेछ । अर्को सिजन मे २८ सम्म संचालन हुनेछ ।

December 18, 2024

जुनियरले जिते फिफा द वेस्ट अवार्ड

एजेन्सी – फिफा द वेस्ट अवार्ड यो वर्ष भिनिसियस जुनियर र आइताना बोनमतीले जितेका छन् । विश्व फुटबल महासंघ (फिफा)ले प्रदान गर्ने अर्वाड कतारमा मंगलबार राति आयोजना भएको थियो।ब्राजिल तथा स्पेनिस क्लब रियल म्याड्रिडका भिनिसियसलाई पुरुषतर्फ र स्पेन तथा बार्सिलोनाकी बोनमतीलाई महिलातर्फ उत्कृष्ट वर्ष फूटबलर २०२४ घोषित भएका हुन्। मिडफिल्डर बोनमतीले लगातार दोस्रो वर्ष फिफा […]

December 17, 2024

राष्ट्रिय जागृति झापा कपको सेमिफाइनलमा

हिमाल खरेल,बिर्तामोड गोलरक्षक निरज चौधरी नायक बन्दा इटहरीको राष्ट्रिय जागृति क्लब झापाको बिर्तामोडमा जारी झापा कपको सेमिफाइनलमा प्रवेश गरेको छ । टाइब्रेकरमा भारतको जिटिए दार्जिलिङलाई ४-२ ले हराउँदै जागृति अघिल्लो चरणमा प्रवेश गरेको हो । टाइब्रेकरमा जागृतिका प्रवेश दनुवार, सविन घिमिरे, योगेन्द्र कार्की र विदेशी खेलाडी नाम्दी इबोसीले गोल गरे भने निशान लिम्बुको प्रहार बारमा […]

December 17, 2024

फाल्गुनन्द गोल्डकप- उद्घाटन खेल आयोजक‌ र करसाङबीच हुने

दिपक बोहोरा,पाँचथर पाँचथर सदरमुकाम फिदिममा शनिवार सुरु हुने ११ औं फाल्गुनन्द गोल्डकपको खेल तालिका सार्वजनिक गरिएको छ । आयोजक फिदिम स्पोर्टिङ क्लबले सामाजिक सञ्जाल मार्फत गोल्डकपको खेलतालिका सार्वजिक गरेका हुन् । उद्घाटन खेलमा आयोजक फिदिम स्पोर्टिङ क्लबले पाहुना टोली करसाङ एफसी भारतसँग प्रतिस्पर्धा गर्नेछ ।मच्छिन्द्र एफसी र झापा ११ फुटबल क्लबबीच पुस ७ गते दोस्रो […]

Success

Thank you for your time.