एजेन्सी – पाकिस्तान क्रिकेट टोलीका कप्तान बाबर आजमले आइसिसी टि२० विश्वकप २०२१ को सेमिफाइनलमा अष्ट्रेलियाविरुद्ध समूह चरणमै जस्तै राम्रो क्रिकेट खेल्दै अपराजित यात्रालाई निरन्तरता दिने बताएका छन् । पाकिस्तान र अष्ट्रेलियाबीचको दोस्रो सेमिफाइनल बिहीबार हुनेछ । सेमिफाइनल खेल्नुअघि पत्रकार सम्मेलनमा बोल्दै बाबरले अष्ट्रेलियालाई हराउन त्यस दिन राम्रो क्रिकेट खेल्न आवश्यक रहेको बताएका पनि छन् ।

‘यो निकै महत्वपूर्ण खेल हो । हामीले यसअघि समूह चरणमा खेलेको खेललाई सेमिफाइनलमा निरन्तरता दिन चाहन्छौं । टि२० खेलमा कुनैपनि टोली कमजोर हुँदैनन् । जितको लागि खेलको दिन राम्रो क्रिकेट खेल्नुपर्ने हुन्छ’ , बाबरले भने । ‘हामीले समूह चरणमा पाँच खेल खेल्यौं । पाँच खेलमा सबैले आफ्नो योगदान दिएका छन् । पाँचै खेलमा फरक खेलाडी प्लेयर अफ द म्याच चुनिएका छन् । यो हाम्रो लागि अतिरिक्त फाइदा हो । सबै खेलाडीको भूमिका स्पष्ट छ । हामी जसरी समूह चरणमा क्रिकेट खेल्दै आएका छौं । अष्ट्रेलियाविरुद्ध त्यसलाई निरन्तरता दिन चाहन्छौं’ , उनले भने ।

तीव्र गतिका बलर हसन अली र शीर्षक्रमका ब्याटर फखार जमानले विश्वकप प्रतियोगितामा केहि कमजोर प्रदर्शन गरेका छन् । ‘म कप्तानको रुपमा हसन अलीलाई टिम बाहिर राख्ने कुरा सोच्न पनि सक्दिन । हसन प्रमुख बलर हुन् । उनले धेरै खेलसँगै प्रतियोगिता जिताएका छन् । खेलाडीलाई यस समयमानै राम्रो साथको आवश्यक पर्छ । खेलाडीको करिअरमा उताड चडाव आउँछनै’ , उनले भने त्यसैमा थपे मरो विचारमा हरेक खेलमा ११ खेलाडीनै प्रदर्शन गर्छन् भन्ने हुँदैन । फखार जमानको दिन छ भने पूरा खेल परिवर्तन गर्नसक्छन् । आशा छ सेमिफाइनलमा उनले आफ्नो शैलीको खेल खेल्दै टोलीलाई जिताउने छन् ।’

पाकिस्तान समूह २ बा ५ खेलमा ५ मानै जितका साथ अपराजित रहँदै सेमिफाइनलमा पुगेको हो । अपराजित रहँदै सेमिफाइनल खेल्ने यस विश्वकपमा पाकिस्तान एक्लो टोली हो । जसक्रममा पाकिस्तानले भारतलाई १० विकेट र न्युजिल्यान्डलाई ८ विकेटले हराएको थियो । पहिलो सेमिफाइनल खेलमा बुधबार (आज) इंग्ल्यान्ड र न्युजिल्यान्डबीच प्रतिस्पर्धा हुनेछ । फाइनल आइतबार हुनेछ ।