3 years ago
September 7, 2021
काठमाडौं (हाम्रो खेलकुद) – नेपालको राष्ट्रिय खेल भलिबलको फ्रेन्चाइज लिग आयोजना नेपाल स्पोर्ट्स म्यानेजमेन्ट एण्ड इभेन्ट्स प्रालिले गर्ने भएको छ ।
नेपाल भलिबल संघले महिला र पुरुष भलिबलको फ्रेन्चाईज लिग नेपाल सुपर लिग भलिबल आयोजना गर्न १० वर्षको सम्झौता गरेको छ ।
नेपाल भलिबल संघकी उपाध्यक्ष निरोज मास्के र नेपाल स्पोर्ट्स म्यानेजमेन्ट एण्ड इभेन्ट्स प्रालिका अध्यक्ष आश्रयता कार्की चौधरीले सम्झौता पत्रमा हस्ताक्षर गर्दै आदान–प्रदान गरे । अब सन् २०३० नेपाल स्पोर्ट्स म्यानेजमेन्ट एण्ड इभेन्ट्स प्रालिले महिला र पुरुष दुवैको फ्रेन्चाइज लिग हरेक वर्ष आयोजना गर्नेछ ।
अब नेपाल सुपर लिग (एनएसएल) भलिबलको नामले लिगको आयोजना हुनेछ । पहिलो संस्करण आगमी नोभेम्बर १७ देखि डिसेम्बर १७ सम्म आयोजना गर्ने लक्ष्य छ । दोस्रो संस्करण होम एन्ड अवे गर्ने लक्ष्य पनि छ । लिगमा सात प्रदेशका महिला र पुरुषको समान सात-सात टोलीले सहभागिता जनाउनेछन् ।
संघले प्रतियोगिताको लागि प्राविधिक सहयोग गर्नेछ । संघले प्रतियोगिताबाट भएको नाफाको ३० प्रतिशत थप सहयोग पनि पाउनेछ । यस्तै नेपाल स्पोर्ट्स म्यानेजमेन्टले नेपाल भलिबल संघले आयोजना गर्ने महिला तथा पुरुष एनभिए क्लब च्याम्पियनसिपको लागि सहयोग गर्नेछ ।
सम्झौतापछि नेपाल स्पोर्ट्स म्यानेजमेन्टकी अध्यक्ष आश्रेयता कारकि चौधरीले यो प्रतियोगिताले भलिबललाई थप सफलता मिल्ने र अझै उत्कृष्ट प्रतियोगिता गर्दै जाने बताईन् ।
नेपाल भलिबल संघका महासचिव जितेन्द्र बहादुर चन्दले मिति पक्का भइसकेपछि खेलाडीको छिनाेफानाे गर्दै क, ख, ग र घ मा खेलाडीको वर्गिकरण गरिने बताए । नेपाल स्पोर्ट्स म्यानेजमेन्टले यस वर्षको सुरुवातमा फुटबलको फ्रेन्चाईज खुकुरी नेपाल सुपर लिग (एनएसएल) आयोजना गरेको थियो । नेपाल स्पोर्ट्स म्यानेजमेन्टले फुटबलसँगै भलिबल र क्रिकेटमा पनि फ्रेन्चाइज लिग आयोजना गर्ने तयारी गरेको छ ।
एनएसएलको समापन समारोहमा भलिबलको फ्रेन्चाईजको घोषणा गर्ने तयारी थियो । तर कोभिडको कारण तत्कालिन समयमा भलिबलको फ्रेन्चाईज लिग घोषणा हुन सकेको थिएन ।
January 18, 2025
काठमाडौं(हाम्रो खेलकुद) – मलेसियामा जारी आइसिसी यु १९ महिला विश्व कपको आफ्नो पहिलो खेलमा शनिवार नेपालको ब्याटिङ चलेन। पहिले ब्याटिङ गरेको नेपालले बंगललादेशलाई झिनो लक्ष्य दिएको छ । बांगीमा टस हारेर ब्याटिङको निम्तो पाएको नेपालले १८.२ ओभरमा अल आउट हुँदै ५२ रनको झिनो योगफल तयार गर्यो । नेपालकी ओपनर साना प्रविनले सर्वाधिक १९ रन जोडिन् […]
January 18, 2025
सुकुटे/सिन्धुपाल्चोक (हाम्रो खेलकुद)- नेपाल पुलिस क्लबका कमला पुन र मनिषाको जोडीले सातौं राष्ट्रिय बिच भलिबल प्रतियोगिताको उपाधि जितेको छ। आफ्नै क्लबका पुनम चन्द र कामना विष्टको जोडीलाई शनिवार २-० को सेटमा हराउँदै कमला र मनिषाको जोडी च्याम्पियन बनेको हो । सिन्धुपाल्चोकको चौतारा सागाँ चोकगढी नगरपालिकाको सुकुटेस्थित भोटेकोशी बिच रिसोर्टमा कमला र मनिषाको जोडी २१-१९, २१-१० […]
January 18, 2025
काठमाडौं(हाम्रो खेलकुद) – मलेसियामा सुरु भएको आइसिसी यु १९ महिला टि ट्वान्टी विश्व कपमा नेपालले बंगलादेशसँगको खेलमा टस हारेको छ । नेपालले बंगलादेशसँग टस हारेर ब्याटिङको निम्तो पाएको छ। विश्व कपमा डेब्यु खेल खेल्दै गरेको नेपाल जितका साथ प्रतियोगिता सुरु गर्न चाहन्छ । नेपालको प्लेइङ-११ सोनी पाख्रिन, किरन कुमारी कुवँर, साना प्रविन, सावित्रा धामी, रिया […]
