default_image

4 years ago

August 20, 2021

पारालिम्पिक : पारा तेक्वान्दो टोली टोकियो प्रस्थान

197 views

0 Bookmark

काठमाडौं (हाम्रो खेलकुद) – टोकियो २०२० पारालिम्पिकमा सहभागिता जनाउन नेपालको प्रतिनिधित्व गर्दै पारा तेक्वान्दो टोली टोकियो प्रस्थान गरेको छ । यसपटक पारालिम्पिकमा नेपालको तर्फबाट पारा तेक्वान्दोकी पलेशा गोवर्द्धनले के-४४ विधामा ५८ केजी तौल समूहमा प्रतिस्पर्धा गर्दैछिन् ।

टोकियो जाने टोलीमा पारा तेक्वान्दोका खेलाडी, प्रशिक्षक र व्यवस्थापकसँगै थप ३ अफिसियल टोकियो जाँदैछन् । वाइल्ड कार्ड प्राप्त गर्दै अवसर पाएकी पलेशासँगै प्रशिक्षकमा कविराज नेगी लामा तथा अफिसियलमा ओलम्पियन दीपक विष्ट छन् । यसबाहेक सेफ दि मिसनमा सरोज श्रेष्ठ, टिम अफिसरमा विश्वास बस्नेत र डाक्टर दीपक श्रेष्ठ पनि पारालिम्पिकमा सहभागी हुँदैछन् ।

एसियन च्याम्पियनसिपमा पदक जितिसकेकी पलेशासँग विश्व च्याम्पियनसिपमा खेलेको अनुभव पनि छ । उनले पदक जित्ने अपेक्षासहित प्रशिक्षण गरिरहेको बताएकी थिइन् । कोरोना संक्रमणका कारण छनोट प्रतियोगिता खेल्न जान नपाएकी पलेशा वाइल्ड कार्ड पाएपछि भाग्यमानी सावित भएकी थिइन् ।

पारालिम्पिक टोलीलाई खेलकुद सामाग्री उत्पादक केल्मीले ओलम्पिक टोली सरहनै सामग्री हस्तान्तरण गरेको थियो । केल्मीको अधिकारिक विक्रेता कामारु ट्रेडिङका प्रबन्धनिर्देशक उत्तम न्यौपानेले खेलकुदको कुम्भमेला ओलम्पिक र पारालिम्पिकमा अफिसियल किट बन्न पाएकोमा खुशी व्यक्त गर्दै टोलीलाई सफलताको कामना गरेका थिए । यसबाहेक अन्य संस्थाले पनि सहयोगसहित टोलीलाई बिदाइ गरेको थियो ।

सेफ दि मिसन सरोज श्रेष्ठले विषम परिस्थितिमा पारालिम्पक टोलीलाई सहयोग गरेकोमा केल्मी परिवारलाई धन्यवाद ज्ञापन गर्दै सहभागितालाई खेर जान नदिने बताए । केल्मी र नेपाल पारालिम्पिक कमिटीबीच गत २० साउनमा सम्झौता भएको थियो केल्मीले पारालिम्पिकलाई ४ वर्षका लागि प्रायोजन गरेको छ ।

पारालिम्पिकका सबै अन्तर्राष्ट्रिय सहभागितामा नेपाली सहभागीले केल्मीको खेल सामाग्री प्रयोग गर्नेछन् । अहिले जापानमा जारी ओलम्पिकका लागि पनि नेपाली टोलीलाई केल्मीले प्रायोजन गरेको थियो । देशभरमा केल्मीका १३ वटा आउटलेट छन् ।

March 15, 2025

अल-नासरको जितमा रोनाल्डोको गोल

एजेन्सी – अल-नासर साउदी प्रो लिगमा शुक्रवार जित निकाल्दै अंक तालिकाको तेस्रो स्थानमा उक्लिएको छ। घरेलु मैदानमा अल-नासरले अल-खलुदलाई ३-१ ले हराएको हो । अल-नासरका लागि क्रिस्टियानो रोनाल्डो, साडियो माने र जोन डुरानले गोल गरे। नवाफ बु वाशलले ५४औं मिनेटमा दोस्रो पहेँलो कार्ड पाएपछि १० खेलाडीमा सीमित भएपनि अल-नासर ३ खेलपछि पहिलो जित निकाल्न सफल […]

March 15, 2025

क्षितीज फ्रिस्टाइल चेस च्याम्पियन

काठमाडौं (हाम्रो खेलकुद)- फिडेमास्टर (एफएम) क्षितिज भण्डारीले नेपालमा पहिलो पटक आयोजित नयाँ स्वरुपको प्रतियोगिता ‘हिमालयन फ्रिस्टाइल चेस च्याम्पियनसिप’ को उपाधि जितेका छन् । क्षितिजले फाइनलमा शुक्रवार क्यान्डिडेट मास्टर (सिएम) मिलन लामालाई पराजित गर्दै उपाधि जितेका हुन् । ‘बेस्ट अफ थ्री’ को आधारमा होटल रोयल सिंगी, दरबारमार्गमा आयोजित फाइनलमा क्षितीजले सुरुआती दुवै खेल जितेर २–० ले […]

March 14, 2025

फुटबलर प्रीति सम्मानित

काठमाडौं (हाम्रो खेलकुद)- तेश्रो यलम्बर राष्ट्रव्यापी खुला ब्याडमिन्टन प्रतियोगिताको उदघाटनमा आज नेपाली राष्ट्रिय फुटबल टोलीकी चर्चित खेलाडी प्रीति राई सम्मानित भएकी छिन्। नखिपोट युथ क्लबको आयोजित प्रतियोगितामाप्रीतिलाई २५ हजार रुपैयाँ सहित सम्मान गरिएको हो । ललितपुर महानगरपालिका वडा १४ का अध्यक्ष अमृतजंग महत र आयोजक क्लबका कोषाध्यक्ष सुजन राईले प्रीतिलाई प्रशंसा पत्र र नगदसहित सम्मान […]

Success

Thank you for your time.