मोहन घले, जापान

टोकियो ओलम्पिकका लागि जापान आइपुगेका नेपाली पौडी खेलाडीहरुले अभ्यास सुरु गरेका छन् । एयरपोर्टमा कोरोना परिक्षणको नतिजा नेगेटिभ आएपछि तोकुशिमा आएर नेपाली पौडी खेलाडी गौरिका सिह र अलेक्जेन्ड शाह( एलेक्स ) लेतोकुशिमा स्थित कुरामोतो स्विमिङ पुलमा अभ्यास गरेको नेपाल ओलम्पिक कमिटी (एनओसी) ले जनाएको छ ।

तोकुशिमामा आईपुग्दा नेपाली खेलाडीलाई भव्य स्वागत गरिएकोमा गौरिका सिंहले तोकुशिमाबासि सहित जापानलाई आभार व्यक्त गरेकी छिन् । नेपाली खेलाडीलाई तोकपशिमा वासिले नेपाली पोषक सहित भव्य स्वागत गरेका थिए । पहिलो दिनको अभ्यासमा नेपाली खेलाडीले कुनै कठिनाईको महशुस नगरेको एनएचकेले जानकारी दिदै, नेपाली खेलाडीको अभ्यास खेललाई महत्वका साथ प्रसारण गरेको छ ।

एनओसी र तोकुशिमा प्रान्तबीच टोकियो ओलम्पिकमा सहकार्य गर्ने सहमति पछि जापानको वातवरण मिलाउन दुवै खेलाडीलाई दुई हप्ता अगाडी नै अभ्यासका लागि तोकुशिमा आएका हुन् । टोकियो ओलम्पिकमा गौरिका र एलेक्स दुवैले १ सय फ्रिस्टाईलमा प्रतिस्पर्धा गर्नेछन् ।

गौरिकाले डेढ वर्षअघि स्वदेशमा आयोजना भएको १३ औं दक्षिण एसियाली खेलकुदमा ४ वटा स्वर्ण पदक जितेकी थिइन् । बेलायत बसोबास गर्दै आएकी उनी त्यहिबाट जापान गएकी थिइन् ।