default_image

9 years ago

October 1, 2016

राष्ट्रिय च्याम्पियन नबिताद्वारा पारा टेटेलाई सहयोग

133 views

0 Bookmark

काठमाडौं, असोज १५ गते ।
पाँचपटककी टेबलटेनिस महिला एकल राष्ट्रिय च्याम्पियन नविता श्रेष्ठले राष्ट्रिय शारीरिक अपाङ्ग टेबलटेनिस संघलाई शनिबार खेल सामाग्री सहयोग स्वरुप प्रदान गरेकी छन् ।

Nabita Shrestha NSJF Pulsar Award 2072

संघमा आबद्ध पारा टेबलटेनिस खेलाडीका लागि म्याच बल ५ दर्जन, मल्टी बल २५ दर्जन, टिसर्ट ३४ थान, नेट ४ थान, रबर र रबर प्रोटेक्टर ८–८ थान, साइड टेप १२ थान, जुत्ता १ जोर, याकेट कभर १२ थान र ब्याग ५ थान प्रदान गरिएको हो ।

नविताले संघका अध्यक्ष दीपक केसीलाई उक्त सामाग्री हस्तान्तरण गरिन् । करिब १ लाख २० हजार मूल्य बराबरको सामाग्री प्रदान गरिएको नविताका पति एवं टेबलटेनिस खेलाडी राकेश महर्जनले जनाएका छन् । नविताले विभिन्न कार्यक्रममा पाएको पुरस्कारको रकमबाट उक्त सामाग्री खरिद गरेर वितरण गरिएको रकेशले जानकारी गराए ।

नविता २०६७ सालदेखि निरन्तर च्याम्पियन छिन् । नविताले भारतमा भएको १२ औं दक्षिण एसियाली खेलकुद (साग) को महिला डबल्समा नन्द एलिनासंग मिलेर कांस्य जितेकी थिइन् । नविताकी अर्की नन्द एरिका पनि टेबलटेनिस खेलाडी हुन् । नेपाल खेलकुद पत्रकार मञ्चले आयोजना गरेको पल्सर स्पोर्ट्स अवार्डअन्तर्गत पिपुल्स च्वाइस अवार्ड– २०७२ को उपाधि पनि जितेकी थिइन् । अवार्ड जित्ने क्रममा नविताले १ लाख ५५ हजार मत पाएकी थिइन् ।

१२ औं सागको तयारीका लागि थाइल्यान्डमा रहेका बेला पारा टेबलटेनिस खेलाडीबाट प्रभावित भएर यहाँका पारा टेबलटेनिस खेलाडीलाई सहयोग गरेको बताइन् ।

‘१२ औं सागको ट्रेनिङमा थाइल्यान्डमा गएको बेला मैले थाइल्यान्डका पारा टेबलटेनिस खेलाडीसंग खेल्ने अवसर पाएको थिए । पछि बुझ्दै जाँदा त्यो खेलाडी त पारा ओलम्पिकको स्वर्ण विजेता रहेछ । हाम्रोमा पनि पारा टेबलटेनिस खेलाडी छन् । हाम्रा खेलाडीले पनि सहयोग पाए भने अन्तर्राष्ट्रिय पारा प्रतियोगितामा पदक जित्ने सम्भावना छ । त्यो लक्ष्यलाई भेटाउन केहि सहयोग पुगोस् भनेर सहयोग गरेकी हुँ ।’– सामाग्री वितरण गुर्नको उद्देश्य प्रकाश पार्दै नविताले भनिन् ।

April 4, 2025

एनएसएलमा चितवनको लगातार दोस्रो जित

काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]

April 4, 2025

मुम्बईले टस जित्यो

एजेन्सी – इण्डियन प्रिमियर लिग (आइपिएल) मा लखनउ सुपर जायन्ट्सकाविरुद्ध मुम्बई इण्डियन्सले टस जितेको छ । अटल बिहारी वाजपेयी ऐकना क्रिकेट स्टेडियममा पाहुना टोली मुम्बईका कप्तान हार्दिक पाण्ड्याले टस जितेर बलिङ रोजेका हुन् । मुम्बई पछिल्लो खेलमा कोलकाता नाइट राइडर्सलाई पराजित गरेर लखनउको घरेलु मैदानमा पुगेको छ । लखनउ पञ्जाब किंग्ससँग पराजित भएको थियो । […]

April 4, 2025

चितवन र बुटवल पहिलो हाफमा गोलरहित

काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ । दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन […]

Success

Thank you for your time.