4 years ago
January 24, 2021
काठमाडौं (हाम्रो खेलकुद)– नेपाल तेक्वान्दो संघको बागमती प्रदेशले शनिबार पल्सर स्पोर्टस् अवार्ड २०७६ का उत्कृष्ट प्रशिक्षक नवीन श्रेष्ठ र स्पेसल अवार्डबाट पुरस्कृत आयशा शाक्यलाई सम्मान गरेको छ ।
पुस २८ गते आयोजना भएको अवार्डको १७ औं संस्करणमा तेक्वान्दोका मुख्य प्रशिक्षक श्रेष्ठ उत्कृष्ट प्रशिक्षक घोषित भएका थिए । उनको नेतृत्वमा गत वर्ष स्वदेशमा आयोजना भएको १३ औं दक्षिण एसियाली खेलकुद (साग) मा नेपालले १२ स्वर्ण, ६ रजत र ११ कास्य पदक जितको थियो । सागमा भाग लिने तेक्वान्दोका २९ खेलाडीले नै पदक जितेका थिए । १३ औं सागमा नै आयशाले दोहोरो स्वर्ण पदक जितेकी थिइन् ।
सुमेरु ग्रुपको सहयोग रहेको कार्यक्रममा युवा तथा खेलकुद मन्त्री दावा लामाले प्रशिक्षक श्रेष्ठ र दोहोरो स्वर्ण पदक विजेता आयशालाई सम्मान पत्र हस्तान्तरण गरेका थिए । प्रदेशसँगले पनि दुवै जनालाई अलग्गै सम्मान गरेको थियो ।
सोही अवसरमा तेक्वान्दो प्रदेश संघ र सुमेरु ग्रुपले युवा तथा खेलकुद मन्त्री दावा लामालाई सम्मान गरेको थियो । सुमेरु ग्रुपका अध्यक्ष भरत महर्जन र प्रदेश संघका अध्यक्ष केशव पुरीले मन्त्री लामालाई सम्मान गरेका थिए । प्रदेश संघले सोही अवसरमा हालै पुम्सेको अन्तर्राष्ट्रिय दोस्रो श्रेणी रेफ्रीमामा बढुवा भएका नोर्बु लामा र गेरुगीतर्फ रविन मल्ललाई सम्मान गरेको थियो ।
मन्त्री लामाले खेलकुद विकासका लागि सामूहिक प्रयास आवश्यक रहने औल्याए । प्रशिक्षक श्रेष्ठले सबैको सहयोगमा नेपालले तेक्वान्दोमा ठूलो सफलता हासिल गरेको स्मरण गर्दै भविष्यमा अझै सफलता प्राप्त गर्नका लागि आफ्नो तर्फबाट प्रयास गर्ने बचन दिए । सुमेरु ग्रुपकी ब्रान्ड एम्बासडर समेत रहेकी आयशाले सम्मान र पुरस्कारले खेलाडीलाई अझै सफलताका लागि हौसला मिल्ने बताए ।
राष्ट्रिय तथा अन्तर्राष्ट्रिय खेलाडी संघका अध्यक्ष दीपक श्रेष्ठले तेक्वान्दो नेपालको व्यवस्थित संघमध्ये रहेको बताए । ओलम्पियन तथा प्रशिक्षक दीपक विष्टले मन्त्री लामाको पहलमा ६ महिनादेखि रोकिएको प्रोत्साहन भत्ताका लागि धन्यवाद दिए । सोही अवसरमा सुमेरु ग्रुपका अध्यक्ष महर्जनले १४ औं सागमा स्वर्ण पदक जित्ने खेलाडीलाई ग्रुपले २ लाख रुपैयाँबाट पुरस्कृत गर्ने घोषणा गरे ।
प्रदेश संघका अध्यक्ष पुरीले सफलताका आधारमा खेलहरुलाई बर्गिकरण गर्नुपर्नेमा मन्त्री लामाको ध्यानाकर्ष गराएका थिए । भदौंमा प्रदेश संघले आयोजना गर्ने प्रदेश स्तरीय प्रतियोगिताका लागि मन्त्रालयबाट सहयोगको अपेक्षा राखेको बताए ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं (हाम्रो खेलकुद)- महिला साफ च्याम्पियनसिप फुटबलको फाइनलको टिकट विक्री अखिल नेपाल फुटबल संघ (एन्फा) ले आफै विक्री गर्ने भएको छ। नेपाल र बंगलादेशबीच दशरथ रंगशालामा बुधवार साँझ ६:३० बजे फाइनल सुरु हुनेछ। एन्फाले मंगलवार पत्रकार सम्मेलनमार्फत ३ ठाँउमा बुधवार बिहान ८:०० बजे टिकट विक्री गरिने जानकारी गराएको थियो। जावलाखेल खेल मैदान, सातदोबाटोस्थित एन्फा कम्प्लेक्स […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]